Tatalo ole Fa'aolataga

Le Alo pele YAHUSHUA/IESU,

Ou te talia nei oe ma o'u Ali'i ma Fa'aola, o oe o le Atua ou te alofa iai. Ou te talitonu ua e totogi le tau mo a'u agasala i Kalevaria, na e maliu ma toetu mai ile oti ile aso tolu. Ou te valaau atu ia e afio mai lo'u loto, fa'amagalo a'u i a'u agasala, fufulu ma fa'amamá a'u amioletonu uma.
Ou te fa'atoese ua ou agasala, ma ou te liliu ese mai na agasala. Fa'afetai i lou fa'atumuina a'u i lou Agaga Paia, ma aumaia ia te a'u le naunau e auauna i aso uma ou te ola ai, ma ia e ola i totonu ia te a'u YAHUSHUA, ina ia viia ai oe! Fa'afetai ua e foai mai le naunau ia te a'u e faitau lau Afioga, ma ia e foai mai le poto e malamalama ai. Faafetai i lou alofa ia te a'u ma ua e fa'aola i lo'u agaga, ma faatupu tele ai lo'u fa'atuatua, ia faapea ona iai se aso ou te iai ma oe ile Lagi. O la'u tatalo, ia fa'atumuina nei a'u i lou Agaga Paia, ma tiliva nei a'u mai le agaga leaga i lou suafa o YAHUSHUA! Fesoasoani mai YAHUSHUA ia ou manatua, ua agasala tagata uma lava ma ua le oo ile viiga mai le Atua, ma ua e maliu mai e faaola i matou o e agasala, o lea ua taua ai oe o lo matou FA'AOLA. AMENE.

Faitau le tatalo lea, ona e toe faitau ai lea ma lou loto atoa, ae le o le poto o lou mafaufau, talitonu ma lou FA'ATUATUA, ma ia e manatua o YAHUSHUA e le'o ia na'o ole Atua lava, ae o ia foi o le uo pele! Na te tausi ia te oe, e alofa tele ia te oe, pei ona ua e iai. E inoino o ia ile agasala, ae peitai e alofa ia te oe, lé agasala!
Na totogi YAHUSHUA lou tau mo au agasala, o lea e te le toe lagona ai se agasala poo se óia. Ta'utino ou agasala ia YAHUSHUA. Lau ta'itasi au agasala uma, ma e fa'atoese atu, ma fai iai, ia fa'amagalo oe! O au agasala uma ua mavae atoa ma au agasala o loo e faia ile taimi nei.
O le agasala, o mea uma sa e faia, po'o agasala o loo e faia ile taimi nei e le fiafia ai YAHUVEH le ATUA PAIA. E leai se tasi ua tonu! Ia e manatua le mea lena! Faitau le Feagaiga fou ma ia e iloa, o ai o YAHUSHUA. Ioane 3:16.
Faimai le Tusi Paia, ia e ta'utino o IA ole ALII ma le FA'AOLA ina ia ta'uta'u oe i luma ole TAMA. Aua e te má ia YAHUSHUA, aúa e le má o IA, ia te oe. Ta'u se tasi ua e taliaina o YAHUSHUA O Kalevaria ma Nasareta, o le aso lenei e olioli ai agelu ile Lagi.
Matou te olioli fa'atasi ma oe, afai o e mana'omia se faifeau, o lo'o iai faifeau. Afio mai ile aiga o YAHUSHUA! OLE NAUNAUTAIGA TATOU TE FEILOAI MA OE ILE LAGI, PE A TATOU LE FEILOAI I LALO NEI. Ia imeli Elisabeth ma faailoa ia te ia ile meaalofa ole ola e faavavau ua e maua mai, i tatou pele YAHUSHUA LE Mesia!


[email protected]

E mana'omia le papatiso mo le Fa'aolataga?



Papatisoga I le vai o Ioritana

Ia e Papatisoina.(Galuega 2:38,39)

O le uiga ole Papatisoga, ole alu ifo lea ile vai. E tusa e tu le tagata ile vai, ma alu ifo i lalo ile vai (I le tasi Kerisiano), ma toe tó mai nai le vai. E mafai ona e faitau ile uiga o lenei faatinoga ile Roma 6:1-7 ma leisi fa'ata'ita'iga o lo'o ile Tusi Galuega 8:26-39.

E iai isi tagata e le talitonu ole papatiso e o faatasi ma le taliaina o YAHUSHUA. Peita'i ane, o loo iai le mea e tasi e manino ile Tusi Paia. O talitonuga ma Papatisoga e faapea lava ona o faatasi aua lava ne'i ese lava.

Ole mea lea, e manino ole papatisoga e o faatasi ma le taliaina o YAHUSHUA. Matou te fautua atu, ia e su'esu'e lona uiga ole papatisoga, “Pe aisea”, ile Tusi Paia. E mafaia e soo se kerisiano ona papatisoina oe.