VALO’AGA 72

PANETA X

  Tu’uina atu ile Aposetolo Elisabeth (Elisheva) Elijah

Ile aso 12 o Iulai 2003

* * * * * * *

[Ua Valoia ma Lapata’ia mai le Anoano o Paneta e mafua ai le fa’aumatiaga, poo le Paneta X lea o loo lapata’i mai ai le toatele? Ou te leiloa, pe moni pe leai e oo foi i fa’amatalaga fa’asaienisi ou te leiloa. Ae ou te iloa ole á na ta’u mai e YAHUVEH(ATUA) ia te a’u, mai le fa’au’uga na lavea ai a’u, ina ua ou tusia le válo’aga o loo i lalo ifo.]

VÁLO’AGA

Tagata valea e, faapea á oe, e te mafaia ona e faaoga lau numera, e fuafua ai le aso o A’U YAHUVEH o le a faaoga paneta i LO’U toasa e faatupu ai le tele o fa’aumatiaga mo O’U fili. O le upu ua valoia e lapata’i mo e mauoa ma e maualuluga, ua manatu ifo ole á latou sao i lalo ifo ole aai, ua tumu i a latou oloa taua ua teua, ma le anoano o mea’ai lelei, etc. O le aai o loo fausia i lalo ifo ole laueleele, ma o loo e atiina pea, ole a fai ma o outou tuugamau vai, ma ole a e oti fa’atasi ma au oloa taua o lenei lalolagi ma o A’U o YAHUVEH, ua fatuai LA’U fa’aiuga, mo le tatalo ole ‘au talitonu moni ile SUAFA o YAHUSHUA(IESU), oi latou ua usitai, savavali Fa’apaiaina i O’U luma, e fa’aolaina i latou, ma o loo ia te A’U le alofa mutimutivale, ole ala lea, ona ose tali mo LA’U fanau, o le na valaau mai mo sina taimi, e aapa atu ai mo nisi agaga mo le Malo ole Lagi.

Ua fa’atuai mai le Fa’amasinoga ae le o taofia, ma o A’U lava o YAHUVEH e to’atasi OU te fuafua mai le aso e oo mai ai LO’U toasa e lavea ai le lalolagi. O A’U o YAHUVEH ua fa’atuai le fa’amasinoga ina ia fa’asesé ma fa’amáina o e na fausia le aai i lalo ifo ole eleele, ma ua manatu ifo i latou iai latou lava, e faailoa atu o A’U o YAHUVEH e toatasi lava le fa’amasinoga poo ai e ola mai, poo ai ole a feoti, ma o ai ole a ulufale ile Lagi, ma o ai ole a alu i Séoli. Ia e manatua o A’U o YAHUVEH ua OU auina atu A’U Aposetolo ma Perofeta e lapata’i atu a’o lei oo atu LO’U toasa. O au lava filifiliga pe ete faalogo ma usitai, ae ia e iloa nei, o i latou uma, e selesele i mea ua latou luluina, e tusa ile fatu lelei ma le fatu leaga.

OLE FA’AIUGA O LAPATA’IGA UA VALOIA

* * * * * * *

Tu’uina atu ia Elisabeth (Elisheva) Elijah ile aso 12 o Iulai 2003.