Dipale Tseo E Leng Thatohatsi Tsa Elisheva
Bohlwa Le Lense Ya Mahlo
Pale ya nnete ya Josh le Karen Zaradona
Pale ena Ke Thatohatsi Ya Moruti Elisheva
Modimo ha ke tsebe hobaneng o batla ke jare morwalo ona. Ha ke bone molemo wa teng, mme o boima ka mokgwa o tshabehang. Empa, ha o batla hore ke o jare, ke tla etsa jwalo.
Brenda e ne e le morwetsana ya ileng a memelwa ho hlwella mafika. Le hoja a ne a tshohile ho isa lefung, o ile a ya le sehlopha sa hae lefikeng la granite. Leha a ne a tshohile, o ile a kena tseleng, a tshwara thapo, mme a qala a hlwella lefika leo. Le ha hole jwalo, o ile a fihla mosikong moo a neng a ka kgona ho hema. Ha a ntse a leketlile moo, thapo ya tshireletso ya kgaoha mabapi le leihlo la Brenda mme ya ntsha lense ya hae. Ke enwa moo a dutseng lefikeng, le bolelele ba dimithara tse makgolo ka tlasa hae le dimithara tse makgolo ka hodima hae. Ehlile, a sheba mme a sheba mme a sheba, a tshepile hore e wetse mosikong, empa e ne e le siyo. Jwale ke enwa o ne a le hole le hae, pono ya hae e se e le lerootho. O ne a tsielehile mme a qala ho ferekana, kahoo a rapela ho Morena hore a mo thuse ho e fumana. Ha a fihla hodimo, motswalle wa hae o ile a hlahloba leihlo la hae le diaparo tsa hae bakeng sa lense, empa lense e ne e sa tholahale. O ile a dula fatshe, a nyahame, le sehlopha sa ba bang, a emetse hore ba bang kaofela ba finyelle pela lefika. O ile a sheba ka ntle ho mokoloko wa dithaba, a nahana ka temana ya Bibele e reng,
"Mahlo a Morena a qamaka lefatsheng lohle." A nahana, "Morena, O ka bona dithaba tsena kaofela. O tseba lejwe le leng le le leng le lehlaku, mme O tseba hantle moo lense ya mahlo a ka e leng teng. Nthuse hle."
Qetellong, ba ile ba theoha ka tselana ho ya tlase. Tlase moo ho ne ho ena le sehlopha sa bapalami ba qalang ho nyoloha ka hodima lefika. E mong wa bona a hweletsa, "Hei, banna! Ho na le motho ya lahlehetsweng ke lense ya mahlo?"
Hoo e ka ba ntho e makatsang, empa wa tseba hore na ke hobaneng ha motho ya hlwellang dithaba a e bone? Bohlwa bo ne bo tsamaya butle bo tshela ka pela ho lefika, bo
e jere! Brenda o ile a mpolella hore ntate wa hae ke moetsi wa ditshwantsho. Eitse ha a mo phetela pale e makatsang ya bohlwa, thapelo, le lense ya mahlo, o ile a taka setshwantsho sa bohlwa bo jere lense e nang le mantswe a reng, “Morena, ha ke tsebe hore na ke hobaneng ha o batla hore ke jare ntho ena. . Ha ke kgone ho e ja, mme e boima ka mokgwa o tshabehang. Empa haeba sena ke seo WENA o batlang hore ke se etse, ke tla e jara bakeng la HAO.
Kotsing ya ho qoswa ka hore o ya hlokang tshepo, ke nahana hore mohlomong ho ka thusa ba bang ba rona hore ka nako tse ding re re, "Modimo, ha ke tsebe hore na ke hobaneng ha o batla hore ke jare morwalo ona. Ha ke bone molemo ho oona mme o boima haholo. Empa ha o batla hore ke o jare, ke tla jara."Modimo ha a bitse ba tshwanelehang, O etsa ba bitsitsweng ba tshwanelehe."
Pale ya Pitsa (Ketlele) Ya Tee
“O SEKE WA TELA LE HO TLOHELA”
Thapama e nngwe banyalani ba hodileng ba ile ba kena lebenkeleng le letle la tee. Mosebeletsi e mong ya neng a phathahane o ile a ba tataisa ka letsoho la hae hore ba dule tafoleng e morao hukung. Hodima tafole ho ne ho ena le pitsa e ntle ya tee(ketlele). Dikuku(diskone) tse shebahalang di le monate, borotho( sandwiches) le dikuku di ne di pota-potile ketlele. Monna eo a qala ho reteleha ho kgutlela khaontareng ho ya hlalosa hore ha ba na tjhelete e lekaneng bakeng sa dijo tsena ha pitsa ya tee (ketlele) e qala ho bua.
"Ke kopa o dule fatshe mme o se ke wa tshoha. Monghadi wa ka o lakatsa hore o be moeti wa hae. Nka ebe o ja eng kapa eng eo o e lakatsang ha ke ntse ke o phetela pale." Ba maketse empa ba labalabela ho tseba, banyalani bao ba ile ba dula fatshe ho mamela pale ya pitsa ya tee(ketlele). O ya bona ho na le nako eo ke neng ke le kgwabi ya letsopa ya kgale, e thata, e putswa. Ke ne ke hloname haholo hobane ke ne ke ikutlwa ke se na thuso. Ka letsatsi le leng sebopi se hlwahlwa sa dipitsa tsa letsopa se ile sa tla mme sa nkuka. O ile a qala ho phaphatha, ho sotha, ho phetola le ho mpopa botjha. Ho ne ho le bohloko haholo hoo ke ileng ka kopa Yena hore a kgaotse. Empa Yena o ile a ntjheba feela ka pososelo e mosa a re, "Eseng jwale."
Ha ketlele e ntse e bua, e ile ya tshella banyalani bana tee ka dikomiking tse pshatlehang tse sa kang tsa tshollwa kapa ho hatsela. Ketlele ena e ne e bonahala e benya mme e kgantsha huku e lefifi jwalo ka lebone ha e ntse e tswela pele ka pale ya yona.
Kamorao ho moo Yena a mpeha hodima lebidi lena mme Yena a qala mpidikisa ho pota-pota. Ke ile ka tsekela hoo ke neng ke sa bone le moo ke yang teng, yaba ke qala ho kula. Ke ile ka mo kopa, "Ke kopa o ntlohele!" Mme a araba, "Eseng jwale."
Se bohloko ka ho fetesisa se ne se latela, leha ho le jwalo, Monga ka o ile a nkenya ka ontong. Ho ne ho tjhesa ka tsela e makatsang hoo ke ileng ka lla haholo hore ke ntshuwe. Empa seo Yena a se buileng e ne e le, "Eseng jwale."
Qetellong, lemati la onto la buleha. O ile a ntsha mme a mpeha hodima tafole. Ka nahana, Jowe! Kea leboha hore ebe ho fedile! Empa yaba Yena o qala ho mpenta ka ntho ena e nkgang hampe. Ke ne ke sitwa ho hema ha Yena a nkgutlisetsa ka ontong lekgetlo la bobedi. Ho ne ho tjhesa ho feta pele! Ke ne ke nahana hore ke tla shwa kannete. Ha ke se ke itokiseditse ho tela, Yena o ile a mphahamisa ka bonolo ho tloha ka ontong.
Ka mora ho phomola nako e telele, monga ka o ile a fihla yaba o a nkuka. Ke ne ke bona ponahalo ya ka ka ho hlaka mahlong a Hae mme ka bona hore ke fetohile. Ke ne ke le motle jwale. Yena o ile a mpolella hore ke moputso wa ka ho ba le mamello le matla hakana. Ke ile ka botsa Yena hore na nka mo leboha jwang mme sefahleho sa Hae Yena sa kganya.
YAHUSHUA MESIA (JESU KRESTE) MORENA le Monga ka ka nako eo a ntlhalosetsa morero wa ka: "Phatlalatsa pale ya hao ho e mong le e mong eo o kopanang le yena. O se ke wa nyahama, haeba ba sa o utlwe kapa ba sa o utlwisise. Tlohela sekwahelo sa hao se bulehile lekgalo KE tle ke o tlatse ka moya wa ka hohle moo o ka bang teng, ke tla o tataisa ka matsatsi ohle a hao.
Pitsa (Ketlele) ya Tee e ile ya bonahala e kganya le ho feta ha e qeta ho re qoqela, "Ke tlotla e kgolo ho sebeletsa Monga ka hoo esale ke tletse thabo ho tloha ka nako eo!"
Banyalani bana ba ne ba sekisitse meokgo mahlong a bona ha ketlele e qeta pale ya yona. Ba tshepisa hore le bona ba tla arolelana pale ya hae le ba bang le ho tla kgafetsa ho mo etela. Sena se ile sa thabisa ketlele le ho feta. O ne a tseba hore Monga hae o tla thaba. Pitsa ya tee e ne e sebeletsa morero wa yona.
2 Bakorinthe 1:3-4
(Modimo) wa re tshedisa le ho re matlafatsa ka mokgwa o makatsang mathateng le ditekong tsa rona. E le hore ha ba bang ba tshwenyehile, ba hloka kutlwelo-bohloko le kgothatso ya rona, re ka fetisetsa ho bona thuso le matshediso a tshwanang le ao Modimo a re nehileng ona!
Baefese 2:10
Re dibopuwa tsa Modimo, ho YAHUSHUA o re bopetse ho etsa mesebetsi e metle, eo a neng a e lokise e sa le pele hore re tle re e etse.
"Tsebiso ya botho e tswang ho Moruti Sherrie.
Empa ho na le nako bophelong ba ka moo ho neng ho se motho ya mpatlang, ho se motho ya nthatang, ho se motho ya ileng a ntlhokomela. Ba ne feela ba nthaha mme ba tsamaya hodima ka. Empa hona jwale ke ya kgethehileng, empa e ne e se kamehla ke ne ke leng ka tsela ena! Hona jwale o sebedisa bohloko ba ka ho sebeletsa ba bang, kahoo ba tsebe hore ha ba bang mahlomoleng a bona, YAHUSHUA MESIA o nka nako ho re bopa le ho re etsa hore re be setshwantshong sa hae haholo hore re tle re tlotlise YENA le Ntate YAHUVEH!
Baroma 8 e re ho rerilwe esale pele hore re bopuwe ka setshwantsho sa YAHUSHUA. Halala! Eo e ne e le leano la YAHUVEH ho tloha qalong le pele re hlaha polaneteng ya lefatshe. O re, "KE batla hore le be jwaloka Mora WA KA, YAHUSHUA."
Ho hlakile hore hoo ho tla nka mosebetsi bophelong ba rona hobane ka nako eo re nehelanang ka maphelo a rona ho YAHUSHUA hangata re ba le mathata a mangata, re entse diphoso tse ngata tse nkang YAHUVEH nako ho re ntsha ho tsona mme re hloka mosebetsi o motle haholo o etswe ka ho rona.
YAHUVEH o batla ho etsa ho hong ka wena, kahoo o tlameha ho mo dumella ho etsa ho hong ho wena. Nako le nako ha re nyolohela hodimo hanyane nama ya rona e tlameha ho theohela tlase. KE yena Mmopi mme rona re letsopa. Tlohela yena hore bopa ka setshwantsho sa hae. Ho utlwisa bohloko haholo, empa qetellong re tla bona hore e ne e le ka morero, mme ho ne ho le bohlokwa!
Kaofela re seboping sena sa mollo mmoho mme Bibele e re ho I Petrose, I:7, “Hore, teko ya tumelo ya lona e fetisisang le kgauta e timelang, leha e ka lekwa ka mollo, e tla fumanwa e le thorisong le hlompho le kganya ha YAHUSHUA a tla bonahatswa” E re ho Pesaleme ya 34:19 “Mahlomola a ya lokileng a mangata, empa Morena o mo pholosa ho wona kaofela!
Bala Profesi #7 (Ha ho sa Tla ba le Makumane) mme o itshwarelle ka thata lemenong la seaparo sa YAHUSHUA le nna! Ho lokile?
Na ho hlile ho na le kgetho e nngwe?
O tla re lopolla ka nako ya YAHUSHUA!
Eseng ya rona!