Letsatsi la bosupa (7) la beke, Moqebelo, ke letsatsi la Sabatha la YAHUVEH Modimo ya Matla Ohle wa Iseraele.

 

Mantswe a YAH ka Letsatsi la Nnete la Sabatha

 

LETSATSI LA NNETE LA SABATHA

Labohlano ha Letsatsi le Dikela ho fihlela Moqebelo ha Letsatsi le Dikela

 

Ka La 18 Hlakola, 2008

 

Ha ho le jwalo e ntse e le teng “Phomolo Ya Sabatha” bakeng sa batho ba YAH. Hobane ya keneng Phomolong ya Hae, le yena o phomotse mesebetsing ya hae, jwaloka ha YAH a phomotse mesebetsing ya Hae. Baheberu 4:9-10

 

Ana ke Mantswe a YAHUVEH, YAHUSHUA le MOYA O HALALELANG (RUACH ha KODESH). Mantswe ana ke seo bona ba se buileng mabapi le Letsatsi la Nnete la Sabatha, Labohlano ha letsatsi le dikela ho fihlela Moqebelo ha letsatsi le dikela. Mantswe ana a Boprofeta a hlophisitswe ho tswa ho Boprofeto bo boletsweng le bo ngotsweng ke Moapostola Elisheva Eliyahu. Tsena ke dintlha tse qotsitsweng ho tswa ho Boprofeto bo buang ka Sabatha ya Nnete. Ka kopo, tobetsa nomoro ya Boprofeta le sehlooho ho bala Boprofeta ka botlalo. Re a rapela hore o utlwe lentswe la YAHUVEH, YAHUSHUA le MOYA O HALALELANG (RUACH ha KODESH) mme o obamele Molao wa bone (4).

 

Boprofeta Ba 26

NNA Nkutlwe, NNA Ntshabe, NNA Ntumele!

Ka La 1 Pherekgong 1999 ka hora ya borobong (9:00) Bosiu

 

Dinku TSA KA tsa nnete le dikonyana di ke ke tsa ba le modimo ofe kapa ofe o mong pele HA KA. Monyaduwa WA KA a ke ke a sekisetsa ka tsela efe kapa efe ka seo NNA ke laetseng e le se Halalelang. Monyaduwa WA KA o tla hlompha Melao YA KA, ho kenyelletswa o le mong o hlokomolohuwang ke matshwele. Ke molao o sa utlwisisweng hantle, o a songwa, kapa moya wa borabele o kene mme o thatafaditse dipelo. Leha ho le jwalo Monyaduwa WA KA jwale o tla ikarabella jwalo ka ha ba bang ba lona ba tla leketlisa dihlooho ke dihlong, le sa tsebe kamoo le utlwisitseng bohloko MOYA O HALALELANG ( RUACH ha KODESH) WA KA ka teng ka ho se boloke Letsatsi LA KA la Sabatha le Halalela.

Oho, empa KE a o bona o sisinya hlooho, mme ore "Eseng nna, ka nnete o buwa le emong, hobane ke ya ditshebeletsong tsa kereke ka Sontaha." Sontaha se seng le se seng, ba bang ebile ba ithorisa. "Oho empa Bana  BA KA ba Ratehang KE LONA, BA BAKILENG HO HLOMOHA HA MOYA O HALALELANG (RUACH ha KODESH) WA KA. Hobane lona ha le a ka la bala Lentswe LA KA?

Eksoda 31:12-18: “ Mme MORENA a bua le Moshe, a re: Le wena, bua le bana ba Iseraele, o re:  Ka nnete le tla boloka DiSabatha TSA KA, hobane ke pontsho mahareng a ka le lona melokong ya lona, ​​le tle le tsebe hoba KE NNA MORENA ya etsang le halalele; Kahoo le boloke Sabatha hobane e a halalela ho lona; bohle ba tla le silafatsa ba tla bolawa hobane mang kapa mang ya tla etsa mosebetsi ofe kapa ofe ka letsatsi la Sabatha, motho eo o tla kgaolwa setjhabeng sa habo. Ka matsatsi a tsheletseng ho ka etswa mosebetsi, mme la bosupa e tla ba letsatsi la Sabatha la phomolo, le halalelang ho Morena; mang kapa mang ya ka etsang mosebetsi ka letsatsi la Sabatha, o tla bolawa. Ka baka leo bana ba Iseraele ba tla boloka Sabatha, mme batla boloka Sabatha melokong ya bona, e be selekane sa kamehla. Hobane ke pontsho e sa feleng mahareng A KA le bana ba Iseraele ka ho sa feleng: hobane ka matsatsi a tsheletseng, Morena o entse lehodimo le lefatshe, mme ka la bosupa YENA o phomotse, a kgatholoha mme YENA o file Moshe, ha a qetile ho bua le yena thabeng ya Sinai, matlapa a mabedi a bopaki, matlapa a lejwe a ngotsweng ka monwana wa YAHUVEH.”

Mosebetsi wa hao o tlameile ho etswa ka matsatsi a tsheletseng, empa ka la bosupa o phomole, Labohlano ha letsatsi le dikela ho fihlela Moqebelo ha letsatsi le dikela. Rapela mme KE tla o bontsha mokgwa wa ho arola matsatsi ana le ho o ruta ho phomola ho NNA ebile o tla utlwa lentswe LA KA, o kgothatsehe, o kgatholohe ka tsela e ntjha, o hlohonolofatswe le ho sireletswa

kgahlanong le dira tsa hao. Na ha KE a ka ka re “KE NNA”, MODIMO e moholo Mme NNA le Lentswe LA KA ha re fetohe, bakeng sa monna kapa mosadi, kapa nako kapa sehla.

 

Baetapele ba lona ba semoya ba sa kang ba ruta sena ba lokela ho baka. Tlohelang bobe bona ba ho etsa dintho ka tsela ya motho, ka dithuto tse entsweng ke motho. Hape KE re: ditsela TSA KA di phahametse ho feta tsa lona. Balehang baetapele ba semoya ba hanang ho ruta Lentswe LA KA le Halalelang ntle le ho sekisetsa. Hape KE re: Balehang. Ho molemo haholo ho ithuta nnete ho lekgabunyane lena ho ena le hore o shwe leshanong leo. Itlwaetse hona jwale ho boloka Letsatsi LA KA la Sabatha le Halalela. Dinako tse thata di ya atamela mme o tla ikarabella bakeng sa seo o se tsebang hona jwale. Ha o sa na mabaka a letho.

 

Hang hape, lona bao le leng Monyaduwa le Bana BA KA ba Nnete le ke ke la ba le medimo e meng pele HA KA. Monyaduwa WA KA NNA o tla ntlhompha ka ho boloka Sabatha YA KA e Halalela. O se ke wa re ke Letsatsi lefe la Sabatha hobane ke le bolelletse ka ho hlaka hore ha se Sontaha. Bakgethwa BA KA esale ba e tseba. Letsatsi le leng le le leng le lokela ho kgumamela le ho amohela NNA, empa ka Letsatsi la Sabbatha, Labohlano ha letsatsi le dikela ho fihlela Moqebelo ha letsatsi le dikela, le lokela ho phomola, le ithute ho NNA, ka poulelo ke batla hore wena ka letsatsi leo o be WA KA feela ka letsatsi leo ke le bitsang Sabatha YA KA.

 

Lefatshe le ho nka e le bothoto mme le nahana hore ke letsatsi la bona la ho etsa sebe le mokete kapa ho sebetsa; empa batho BA KA ba tla hana ho sebetsa le ho keteka. Ho paka hore matsatsi a batho ke bothoto le ho bolella Batho BA KA hore ho ba moboloki wa Sabatha ke bothoto. Leha ho le jwalo lena ke Letsatsi LA KA le Halalelang mme satane o sebedisitse tsamaiso ya lona ya bodumedi ho soma NNA ka letsatsi leo.

 

KE batla ho le kgothatsa. Bao ho thweng ke baboloki ba Sabatha, le MONYADUWA WA KA WA NNETE. Monko wa hao o monate dinkong TSA KA, empa ho ba mohlokomedi wa Sabatha feela ho ke ke ha o pholosa. E tlameha ho kopanngwa le ho amohela YAHUSHUA e le MESIA. Ha lefatshe la baetsadibe leo o phelang ho lona le ntse le tswela pele ho ruta bofetohedi, ho lahla kapa ho lokisa Melao YA KA e Leshome, jwalo ka mehleng ya Moshe KE tla bontsha seo ke se etsang ka batho ba dipelo tsa borabele.

 

Matshwele a ipolelang hore a dumela ho YAHUSHUA le YAHUVEH a boela a pshatla matlapa a mabedi jwaloka Moshe, empa lekgetlong lena ka tsela e nngwe. Hobane bana ba marabele ba roba pelo YA KA ha ba tlola Melao YA KA mme ba re, 'Ho boloka Sabatha e Halalela ha ho sa le bohlokwa.' Matlapa a majwe ke dipelo tse batang tsa lejwe tse hole le NNA, tse sa tsotelleng Melao YA KA. Baetapele ba semoya ba ngola hape Melao YA KA eo KE e neileng Moshe, ba e soma, ba e roba kamoo ba ratang kateng. Ho bapala modimo ka se ngotsweng mme le hore na maikutlo a bona kamorao ho moelelo wa Melao YA KA ke afe.

 

Taelo ke eng? Ke taelo jwalo feela, molao, taelo e tswang lehodimong e tswang ho YAHUVEH. Ditaelo tse tshwanang lefatsheng di a latelwa Lehodimong. Masole a nka ditaelo ho tswa ho molaodi-ka sehloohong, leha ho le jwalo masole A KA a mpotsa NNA ha ke fana ka ditaelo.

 

Baetapele bana ba semoya bao eleng baapostola, baprofeta, baruti, baboledi le baevangedi ba bolelang hore ha ho kgathalatsehe hore na ke letsatsi lefe le bitswang Sabatha, ba ruta batho BA KA leshano. Ba reng, 'YAHUSHUA ke Sabatha' empa ka morao ho moo ba ikahlola ka ho re, “ Letsatsi le leng le le leng re lokela ho kgumamela YAHUVEH le YAHUSHUA,' sena ke nnete, aha, empa mamela lentswe le latelang ho leka Moya o buang le ba ipolelang hore NNA ba ntseba empa leha ho le jwalo ba sa ntsebe. Jwale ke monyetla wa bona hore ba bake mme ba rute nnete hobane ba re, 'Letsatsi lefe kapa lefe e ka ba Sabatha.'

 

KE re ho lona jwale satane o utswitse Letsatsi LA KA la Borapedi le phomolo, la nkelwa sebaka ke letsatsi la boiketlo bakeng sa batho! Letsatsi leo motho a le laetseng, mme jwale o boetse o ngola ditaelo tsa ho rapela le ho phomola ka leo le bitswang Sontaha. Empa KE laetse, mme bakgethilweng le bakgethwa BA KA ba tseba letsatsi la phomolo. Ha le a rerelwa ho ba la boiketlo bakeng la moloko wa batho, empa tlhohonolofatso ho moloko wa batho le NNA, YAHUVEH.

 

Hona jwale ke letsatsi leo o le kenyelletsang ho mosebetsi wa hao o maphathaphathe le nako ya ho bapala. Ebile ba fetotse qalo le qetello ya beke hore e dumellane le tsamaiso ya bona. Esita le bao ba sa amoheleng Mora WA KA, YAHUSHUA e le MESIA wa bona, ba amohela le ho hlompha letsatsi LA KA la Sabatha e le phomolo le ho le boloka le halalela [Bajuda]. Mme ba na le mohau mahlong A KA ho feta lona ba ipitsang BA KA, le ha ho le jwalo le amohela Mora WA KA jwalo ka MESIA, empa le na le sebete sa ho ngola Melao YA KA hape.NNA NKUTLWE!  NNA NTSHABE! NNA NKGOLWE! Phetetso ke YA KA, ho rialo YAHUVEH.

 

Lona, ba leng ka tlasa boetapele ba semoya bo hanang ho ruta Lentswe LA KA ntle le ho tlosa ntlha kapa tlhaku, hlokomelang. Balehang dikerekeng tsena, ho tloha letsatsing lena ho ya pele le tla jala peo mobung o thata o sa tebang. MOYA O HALALELANG (RUACH ha KODESH) WA KA o tla tloswa dibakeng tsena. Seo o se entseng ka ho hloka tsebo, KE tla o tshwarela. KE tla tshwarela baetapele ba lona ba semoya ha le ka baka, la ruta, la etsa ho lokileng. Selemong sena se tlang sa 1999, dikereke tse ngata di tla be di dutse e le lesupi, hobane kahlolo e fihlile ntlung YA MORENA.

 

NNA NKUTLWE! NNA NTSHABE! NNA NTUMELE! Ha ke MODIMO ya songwang! Eitse ha KE qeta ho bua le Moshe thabeng ya Sinai KE mo neile matlapa a mabedi a ngotsweng ka monwana WA KA, melao ya YAHUVEH. Empa ke hobaneng ha ba bangata ba dumetse leshano le reng YAHUSHUA o hlakotse Melao e Leshome? Bongata bo ruta hore ho tlola Melao e Leshome ha e sa le sebe. Etswe, YAHUSHUA o lefile theko ke se ba se bolelang. Baetapele bana ba semoya ba kgopo ba sotha Lentswe LA KA mme ba ruta Batho BA KA hore ho boloka Melao e Leshome ha ho kgonahale.

 

O seke wa lebala hore KE kentse MOYA O HALALELANG (RUACH ha KODESH) WA KA ka hare ho wena ya fanang ka tsela ya ho phonyoha moleko o mong le o mong o o tshwenyang. Baruti ba bang ba kgopo ba re ho tlola o monyenyane wa melao hase sebe. Ba lebala hore ho tlola o le mong ke ho e tlola kaofela. Motho o badile melao ho tloha ho wa pele (1) ho isa ho leshome (10), ke re "Hobaneng ha o re NNA o a nthata empa NNA o sa mmamele? Na NNA nka o neha melao e sa kgoneheng hore o e boloke?" Boloka Melao YA KA; e kenye tshebetsong, le se kgelohe ho le letona, kapa ho le le letshehadi. Ho rata Mmopi wa hao ka nnete le MESIA wa hao, YAHUSHUA ke motheo wa molao.

 

Bana le Monyaduwa WA KA bohle ba tlotse melao YA KA mme ha ho le ya mong ya ka buang ka mokgwa o mong, kapa ba bua leshano. Ke pele o amohela YAHUSHUA jwalo ka MESIA. Hona jwale o na le MOYA O HALALELANG (RUACH ha KODESH) ya ahlolang le ho o hopotsa ha maoto a hao a kgeloha ka ho le letshehadi kapa ka ho le letona. Selemong sena sa 1999, Barapedi ba tla kganya ka boteng BA KA dipuong tsa bona, diketsong; le difahleho tsa bona di tla kganya ka MOYA O HALALELANG (RUACH ha KODESH) WA KA.

 

Hape ka selemo sa 1999, ho tloha nakong ena ho ya pele, ba kgopo ba tla eketsa ho hloka borapedi. Bana ba tla tshwana le mora tahleho mme ba tla bonahatsa kganya jwaloka lengeloi la lesedi le kileng la bitswa Lusifa kapa difahleho tsa ba kgopo di tla ba jwaloka mohodi o lefifi. Ha Mora WA KA a atamela lefatsheng, karohano ya Dinku TSA KA le dipodi tsa satane e tla bonahala haholwanyane. Lefatshe le a sisinyeha ka lebaka la tshabo e kgolo ya kahlolo e tlang. Dihele di ntsha seretse se tjhesang. Letsha la mollo ke kgalefo YA KA e tsholohang. Dihele di hoteditswe ke kgalefo YA KA. Noka ya bophelo e phalla hotswa teroneng YA KA ka lerato le mohau o moholo. Bakeng sa Masea A KA, Monyaduwa, Bakgethwileng le Bakgethwa selemo sa 1999 e tla ba selemo se tletseng topollo ho ba beileng NNA pele. Bana BA KA ba tla tseba mahlohonolo a maholo ka ho boloka ka sebete Sabatha YA KA e Halalela le ba tsebang bohlokwa ba ho boloka Melao YA KA. Bana BA KA le bona ba a tseba ha ba sitelwa NNA mme ba baka; ba furalla sebe seo Madi a Halalelang feela a YAHUSHUA a tsholotsweng Kalvari a tla ba hlatswa hape.

 

Boprofeta  Ba 27

YAHUSHUA O Tla Kgutla ka Sabatha! Phahamang Basadi Ba Baapostola le Baprofeta!

Ka La 4 Pherekgong, 1999

 

NNA, YAHUSHUA, ke kgutla ka Sabatha, ha o tsebe hore na ke efe. Etlang ka pele Basadi BA KA ba Baapostola le Baprofeta! Phahamang HONA JWALE! O se ke wa hlola o dumella motho ho o bolella hore ha KE a le bitsa hore le be Baprofeta le Baapostola, Matitjhere, Baevangedi kapa Baruti! “KE NNA” Mmopi wena o Letsopa. Ke hobaneng ha le tla mamela batho kapa ba nang le moya wa Bafarisi? Bua molaetsa ona oo KE o nehang Moapostola enwa ho o bua. Eba lentswe le leng le yena, basadi le banna ba elellwang lentswe LA KA le buang ho tswa ho seo KE se ngolang ka yena. Kgothatsanang. Satane o le kgutsisitse nako e telele haholo. Bahlabani ba Boprofeta ba Baapostola le a tseba hore na le bomang. Ngollang lekgabunyane LA KA le kgothatsane, le ithute ho e mong. KE tla kgutla haufinyane. Kopanyang matsoho hammoho. Ha o mong. KE le hasantse lefatshe lohle, empa le tla tsebana ka nako.

 

Le a hlokana. O tla ikopanya le banna ba nang le pitso e tshwanang. Leha ho le jwalo, ba hanang ho o amohela ba tlohelle NNA. O se ke wa ngangisana le ba sa utlweng ditsebeng empa ba na le maikemisetso a matle, leha ho le jwalo ba entse kotsi e kgolo ho basadi bao ba bolellwang hore ba ke ke ba ba le pitso ya boapostola, esita le ya ngolang jwale o ile a nyahama mme a bolela sena. A re, "Oho, ke tla tswela pele ho etsa seo ke bitseditsweng ho se etsa, ka lebitso lefe kapa lefe leo o le bitsang." Leha ho le jwalo monna ya mmolellang sena o ile a thetswa ke lentswe le leng, e seng lentswe LA KA. O lokela ho BAKA ka ho etsa jwalo. Na o tla be o itokisitse? YAHUSHUA O KGUTLA KA SABATHA! Bolella bohle ba tla utlwa, o se lebelle hore bohle ba tla dumela. Sena ha se bothata ba hao, empa ke bothata ba bona. O tlameha feela ho mamela.

 

Lona Bana BA KA le re le batla thato YA KA e phethahetseng? Na o hlile o a e batla? Na ka nnete o tla mpha letsatsi le le leng ka beke? Ka Sabatha, Labohlano ha letsatsi le dikela ho fihlela Moqebelo ha letsatsi le dikela le tla phomola ho NNA, thabang ho NNA, le ithute ho NNA. Beha ka thoko mosebetsi wa lona mme ho le jwalo le etse mosebetsi WA KA feela, haeba ho na le mosebetsi o tlameile ho etswa. Rapela mme KE tla o bontsha seo o lokelang ho se etsa le seo o sa lokelang ho se etsa. KE MODIMO wa tekatekano e phethahetseng. Ke nyonya ntho leha e le efe e hlokang tekatekano. Esita le Sabatha e tlameha ho bolokwa ka tekatekano. Lena ke letsatsi la thabo ho NNA, eseng thohako. Lena ke letsatsi leo e tla ba tlhohonolofatso ho lona. Letsatsi le sa lokelang ho ba lebe empa le lokela ho lebellwa. Sabatha ha se letsatsi la bokgoba empa ke letsatsi la tokoloho ho NNA, YAHUSHUA! NNA le barutuwa BA KA re mohlala wa seo le lokelang ho se etsa ka Sabatha. Ithute sena eseng ho Bafarisi ba reng lena ke letsatsi la ho ba makgoba. Ba re lena ke letsatsi la mahlomola. Eya, KE re mahlohonolo a hao a tla ba a maholo bakeng sa ho boloka Letsatsi LA KA la Sabatha le ho le boloka le halalela.

 

LENA KE LETSATSI LEO KE TLA KGUTLA HAPE! Eya, KE itse boloka Sabatha ho tloha letsatsing lena ho ya pele bakeng sa bao ba ipolelang hore ke Monyaduwa WA KA! Itokise hobane Monyadi wa hao o a tla mme o tla fihla ka Sabatha. Ha o tsebe hore na ke efe. Empa NNA ba sa nkemelang ka SABATHA NNA BA KA SE MPONE . Eya, KE re hape, kaha ho fihla HA KA lefatsheng ho ntse ho atamela, letsatsing lena NNA ha ke be mehopolong ya lona, mantsweng le diketsong tsa lona. Thabang letsatsi lena le NNA. Na o ke ke wa tela menate ya hao ya lefatshe bakeng SA KA letsatsi le le leng ka beke? Itlwaetse sena hona jwale. Nako e ya tla eo ba kgopo ba tla ela hloko hore na ke mang eo e leng WA KA ruri,le  eo e seng WA KA. Ba tla tseba ka LETSHWAO la hore na le hlokomela le ho boloka melao YA KA. Ba tla le thibela ho kopana ka Sabatha kapa ho amohela hore letsatsi lena ke Sabatha. Hopola Labohlano ha letsatsi le dikela ho fihlela Moqebelo ha letsatsi le dikela, ke SABATHA. Le boloke le HALALELA ebile e le letsatsi la hore NNA le wena re be mmoho mme re tsebane. O Moratuwa WA KA. Ba etsang sena ba tla tseba ditlhohonolofatso tse fapaneng le tseo o kileng wa di tseba pele.

 

Jwale ke buile dintho tsena ho bahlanka BA KA mme KE fane ka molaetsa ona ho lona batho hara boprofeta ba botho bo filweng bao ba tshebeletsong ena. Leha ho le jwalo KE le siela mantswe ana ho bao ba ipolelang hore ke BA KA, le ba lebisang meya ho NNA. Ruta Bana, Monyaduwa, Bakgethilweng, le Bakgethwa BA KA ho ba baboloki ba Sabbatha eseng batlodi ba Sabatha. Ka sena, batho bohle ba tla le tseba! Ka sena le tla be le itokisetsa ho tla HA KA. Ba nang le ditsebe tsa ho utlwa ba tla utlwa, ba bang kaofela ba tla sala ba sa utlwe. Ba tlohele ba sa utlweng ditsebeng, hobane ke moya wa borabele o kenang dipelong le ho meya ya bona. Ba tloheleng! Hape KE re, "O se leke ho fetola mehopolo ya bona. Lentswe LA KA le bua nnete, ha le fetohe."

 

NNA, YAHUSHUA, ke tlile ho phethahatsa molao, e seng ho hlakola melao ya YAHUVEH! Ba bolelle, mme ha ba hana ho utlwa, o se ke wa ba senya moya wa hao hodima bona. Hopola jwaloka mehleng ya kgale ba bangata ba ile ba bolawa ka lebaka la ho se boloke Sabatha YA KA. Ho tla nako eo ka yona le tla bona dikoduwa tse kgolo, mme di tla etsahala ka Sabatha. Batho ba tla sisinya dihlooho mme ba ipotse hore na hobaneng? O tla tseba lebaka. KE sa tswa le bolella. Empa ba bang ba tla tseba jwang hore NNA ba ntshiitelwa ha o sa ba bolelle? Bohle ba balang sena, le ho lemoha lentswe LA KA, le ikarabella ho bolella ba sa tsebeng. Ba nahana hore ka ho ya kerekeng ka Sontaha ba hlompha Sabatha YA KA. Empa Sabatha YA KA Ya Nnete ha e hlokomelwe ke bona bana. Ha KE tsotelle hore le bokana hammoho letsatsi le leng le le leng mme NNA la nkgumamela. Empa leha ho le jwalo ka Sabatha, lena ke letsatsi LA KA le la hao leo re le behelletseng ka thoko hore le kgethehe ho sa tshawane le a mang. Ha o ja hopola hore o na le moeti eo o sa mmoneng. Hopola eng kapa eng eo o e etsang letsatsing leo, KE e etsa le wena.

 

Haeba o etsa sebe KE tla ela hloko haholo-holo letsatsing lena. O lemositswe hape hore batho BA KA ba se ke ba re ha baka ba fumana temoso pele KE romela dikahlolo ho bao ka morero ba sa mameleng. KE MODIMO wa lerato le wa kgalefo ho dira TSA KA. Le mpa le le dira TSA KA ha le kgetha ho ba tsona. KE shwetse bohle, Madi A KA a tshollelwa bohle; Ha ke leeme, leha ho le jwalo KE tseba eo e leng WA KA ka nnete le eo e leng setho sa kereke ya baikaketsi. HLOKOMELA ha o leka NNA ho ntshoma ka ho bua mantswe ao ba bang ba batlang hore o a bue, mme leha ho le jwalo o sa utlwe lentswe LA KA. Hlokomela ho bua empa o sa etse seo o se buang. KE buile ho tswa ho lekgabunyane lena, ha le ne le sa lebella ho hang hore KE tla profetela batho hape. Kahoo o ke ke wa re, ba somang NNA ho tloha mantsweng a ho qetela a tlhokomediso ao ke mo fileng wona, NNA NKUTLWE!  NNA NTSHABE! NNA NTUMELE! Na hase NNA MORENA MODIMO wa lona YAHUVEH le YAHUSHUA ya a buileng ho tswa ho yena? Hlokomela hore o se ke wa mo etsa sera sa hao hobane ha a ikarabelle bakeng sa mantswe ao KE a buang. O ikarabella hafeela a tshaba ho a bua ka sebete. O mametse NNA ho fihlela jwale.

 

Na o tla ba motlodi wa Sabatha kapa moboloki wa Sabatha? Le seke la lebella hoba karolo ya Monyaduwa WA KA ha o sa itokisetsa NNA ka letsatsi lena. Itokise hona jwale Monyaduwa WA KA hobane KE TLA KA POTLAKO! Ditlokotsi tse kgolo di tla etsahala ka Sabatha YA KA e le pontsho hore ona ke molao o so kang wa fetoha. O tla tseba ha o di utlwa. Ha KE fetohe bakeng sa monna kapa mosadi ofe kapa ofe, nako kapa sehla, KE yena MODIMO ya tshwanang maobane, kajeno le ka ho sa feleng. Ditaelo tsa ka di ngotswe lejweng ka monwana WA KA "KE NNA" MODIMO O MOHOLO mme ha KE kope tshwarelo ho mang kapa mang.

 

KE tshwarela habonolo bohle ba neng ba sa tsebe ho feta. Lekgabunyane lena leo jwale KE buang ho tswa ho yena le ithuta moelelo wa Sabatha ya Nnete YA KA. E ne e le bakeng sa nako le sehla. Ha a betere ho feta lona bohle bao KE le rutang hona jwale. Hopola hore jwale o ikarabella ka seo o se tsebang. Seo o se etsang ka tsebo ena KE se ke ntse ke tseba. Botsa NNA letsatsing lena hore na ke eng NNA se nkgopisang le se sa nkgopiseng. Rapela letsatsing lena nme o nyehele tsohle ho NNA e le sehlabelo, KE tla hlohonolofatsa le ho atisa seo e leng tlhohonolofatso ho wena le ho NNA. Rohaka seo e leng thohako ho wena le ho NNA. Ke ba bakae ba balang sena ba tla iteta sefuba ho tshepa MODIMO wa lona? KE se ke tseba kgetho eo o tla e etsa.

 

Boprofeta Ba 30

 

Hlokomela! KE Tla Etsa Seo O Sa Se Nahaneng,Ka Nako Eo O Sa E Nahaneng,Ka Tsela Eo O Sa E Nahaneng!

Ka La 8 Hlakola, 1999

 

Lefatshe lena le tla kotula seo le se jetseng. Bana, Monyaduwa, Bakgethilweng, le Bakgethwa BA KA ba phelang ka Kgalalelo jwalokaha eka ana ke matsatsi a ho qetela mme ba hlompha NNA ka Sabatha ya Nnete mme mme ba e boloka e halalela, NNA le ntjhebe. KE tla kgutla mme ke fumane Monyaduwa WA KA a na le oli ka hara lebone la hae, mme a emetse Monyadi wa hae, Mopholosi wa hae. KE tla mo nka jwaloka Monyaduwa WA KA. Empa ba nang le lebone feela, e seng oli, ba tla iphumana ba e-na le sebopeho sa borapedi, mme ba se na borapedi ka hare. Ba tla tsamaya mme nna ba mpatle, empa NNA nke ke ka fumanwa.

 

Ha ho motho ya ka reng ha ba eso lemoswe letsatsing lena.

 

Boprofeta ba 31

Paseka ya Hao E Ahile Moo Tumelo ya Hao e Ahileng teng

 

Ka  La 30 Hlakubele, 1999

 

Hlompha Matsatsi a Sabatha, hape le Matsatsi a Phahameng a Halalelang, la pele (1) Mmesa, la bobedi (2) Mmesa. Hlompha Matsatsi ohle a Sabatha e leng Labohlano ha letsatsi le dikela, ho fihlela Moqebelo ha letsatsi le dikela....eseng Sontaha ha bongata ba lona le hopola NNA ka Sontaha mme le phela jwaloka diabolosi ka Labohlano le Moqebelo mantsiboya le ja tsa lefatshe ka matsatsi a behetsweng ka thoko bakeng sa Sabatha ya rona. Rapella Paseka kgalefong e tlang hodima lefatshe lena. Rapela hore o balwe o tshwaneleha mme dikotlo tsena le diterompeta tsa kgalefo YA KA di tla tlola hodima hao mme o balwe o tshwaneleha hore o phonyohe. Hoba “KE NNA” ke MODIMO o ke keng kapa hona ho bua leshano, KE porofeta se tlang ho etsahala ka baprofeta BA KA hore ho se be motho ya ka reng “KE NNA” ha a lemosa batho.

 

Boprofeta Ba 34

Marako A Jeriko A Tla Heleha Hape!

Ka La 7 Motsheanong, 1999

 

Lefatshe lohle le tla thothomela hobane "KE NNA" o qadile ho hatakela lefatshe lena mme ke ka leoto le le leng feela. Ha KE hata hodima lefatshe lena ka MAOTO A MABEDI ho tla ba ka tsela eo ha ho setjhaba kapa motse kapa naha e tla pholoha ho tsitsinyeha! Empa hape bao e leng ba ka mme ba boloka DiSabatha TSA KA di Halalela, ba kgumamelang NNA ka matla le ka nnete KE tla ba qenehela, KE tla ba sireletsa. Ithute hore na "KE NNA" ke mang. Ha KE e so qale ho foka hodima lefatshe lena empa le tla bona se etsahalang ha mmopi wa Lehodimo le lefatshe le tsohle tse mahareng le tse potapotileng, a foka hodima lefatshe lena ka moya wa “KE NNA” ka BOHALE le KA KGALEFO e tshabehang!

 

Boprofeta  Ba 37

Hlohonolofatsa Mme O Rapelle Kgotso Ya Jerusalem

Ka La 19 Mphalane, 1999

 

O seke NNA wa nthibela, o seke NNA wa mpelaela, dumela feela LEBITSONG la Mora WA KA, YAHUSHUA MESIA mme o hweletse ho NNA mme mehlolo le mahlohonolo NNA nke ke ka le hanela. Ha feela o ka dumela ka tumelo. KE na le tshenolo bakeng sa bao ho thweng ke ‘Baditjhaba,’ ha o le modumedi, o rata, o kgumamela mme o amohetse YAHUSHUA jwalo ka MORENA le MOPHOLOSI o hlomathiseleditswe ho yena mme LE WENA O MOJUDA JWALO KA MORA WA KA YAHUSHUA. Ha ho sa le Mojuda le Moditjhaba. Ha e sa le mekete e bitswang MEKETE YA BAJUDA le Matsatsi a Halalelang, tsona le Sabatha ke tsa lona le tsona!

 

Boprofeta Ba 39

Dintsu Tse Tlotsitsweng Tse Halalelang, Etlang Pele!

Ka La Phato 10, 2000

 

 

Qetellong, KE le bolella sena leha bohle ba ke ke ba utlwisisa, empa Dintsu TSA KA tse Tlotsitsweng di tlameha ho hlompha NNA ka Sabatha ya Nnete! KE tla bua le bona tsatsing lena ha NNA ba ka nkamohela mme NNA ba nkgumamele ka mokgwa o kgethehileng letsatsing lena. Letsatsing lena behella mosebetsi wa hao ka thoko mme NNA o Nthate le ho Ntlhompha le ho feta matsatsi a mang a beke. Ha ena e be nako ya rona hammoho. KE boulella haholo nako ya lona. Le ba etsang mosebetsi WA KA, behella nako ena ka thoko bakeng SA KA. Sena ha se bophelo bo botle feela bakeng sa kelello, moya, le moya wa hao, empa le mmele wa hao. Mpotse NNA hore na ke batla hore o etse eng ka tsatsi leo mme o kenyelletse NNA hobane ke letsatsi la rona la phomolo mmoho. Motho e mong le e mong o na le mokgwa o fapaneng wa ho phomola ho NNA empa ka Sabatha feela o kenyelletse NNA. NNA ke  Morena wa Sabatha mme se ke wa lebala seo! KE tla kgutla ka Sabatha! Eseng eo manong a sa halaleleng a e laeletseng (Sontaha).

 

Boprofeta Ba 47

Ho Lemoswa Esale Pele Ke Ho Hlomela Pele Bakeng Sa Nako E Jwalo Ka Ena!

Ka La 21 Mmesa, 2001

 

HO LEMOSWA ESALE PELE KE HO HLOMELA PELE BAKENG SA NAKO E JWALO KA ENA! Baetsi ba bobe ba re melao e siilwe ke nako mme ha ba sa tla ikutlwa ba le molato ha ba iphapanyetsa letsatsi LA KA la Sabatha leo ho buuwang ka lona ho Genese ho tloha popong ya motho, le ho tshoha ha ditaelo TSA KA di sa bolokwe. Ho sa le jwalo, baetapele bana ba kgopo ba semoya ba ngola melao YA KA hape, mme ba ngola Lentswe le Halalelang ho ya ka mekgwa ya bona ya bophelo. Baetapele bana ba semoya ba kgopo ba bapala MODIMO mme ba tsitlallela ho nka Kganya le Tlotlo ya YAHUVEH e boloketsweng bakeng sa "KE NNA" le Mora WA KA YAHUSHUA le MOYA O HALALELANG (RUACH ha KODESH) WA KA.

 

Boprofeta Ba 48

Yisraele, Dira Tsa Hao Di Batla Ho O Etsa Phofu!

Ka La 29 Motsheanong, 2001

 

KE saretswe ka se tlamehang ho etsahalla Yisraele pele le tla baka bakeng sa ho hana MESIA a le mong feela! Hobane KE YAHUSHUA, ha ho MESIA e mong, ya lefileng theko eo NNA ke e lefileng. Ho na le mesia e mong wa bohata, hlokomela hobane ke mora tahleho mme o tla tla haufinyane ho tla o thetsa le ho o kenya bokgobeng bo fetisisang ba Faro ya kgopo, kapa Heroda. Esita le Hitler a ke ke a kgona ho ipapisa le antikreste ya kgopo ya tlang le wa moprofeta wa bohata. O tla ho wena Yisraele ho tla o thetsa pele. NNA, YAHUSHUA ke hlahetse Bethlehema mme ka hlokofatswa ka baka la dibe tsa ba bang. Ha ho motho NNA ya mpolaileng. KE fane ka bophelo BA KA ka boithatelo bakeng sa lona mme ka shwela bohle ba etsang sebe mme KE tsohile bafung, eseng naheng esele empa hape Jerusalema ka Sabatha YA KA.

 

Ba RATANG YAHUSHUA, ba sebeleditswe ke YENA, YENA o ile a fepa dikete tse mashome ka ditlhapi tse mmalwa feela le mahobe mme YENA a etsa hore matshwele a bine Hosana ho Morena. Ha ba ka ba hweletsa, ‘Mo thakgise,’ jwalokaha ba bangata ba ne ba rutwa, le matshwele a maholo a neng a mo latela hohle moo YENA a yang teng. Ke ba bakae ba ileng ba fodiswa, ba lopollwa, ba tsoswa bafung? Mangolo ha a bolele tsohle, empa mantswe ana ha aa ka a mamelwa. Bongata ba mehlolo ena e ile ya ngolwa mme ya sebediswa kgahlanong le YENA ho soma nyeweng. Ipotse, haeba YAHUSHUA e se Mora WA KA, o entse mehlolo ena ka matla afe? Ana satane o ne a tla hlohonolofatsa batho ka ho ba etella pele ho etsa se molemo le ho mamela MODIMO (ELOHIM) wa Popo? Esita le bangodi ba lona le bo-rabi ha ba ka ba fumana molato ho yena haese hore a be sebete ho fodisa le ho etsa mehlolo ka Letsatsi la Sabatha. Na ha o elellwe hore tsamaiso ya dipolotiki e ne e tshaba Morena ya molemo hakaale hore a laole mme tsamaiso ya bodumedi e ne e tshaba hoba bo-rabi ba ne ba sena matla a jwalo a phodiso, topollo le tsoho? Poulelo, tshabo, mohono le meharo e ne e le mabaka a mantlha ao Mora WA KA a ileng a ahlolwa ke motho.

 

YAHUSHUA o itse, " NNA ha ke a tla ho senya molao wa Ntate, empa ho o phethahatsa." Hlomphang Letsatsi la Sabatha mme le le boloke le halalela e ngotswe ka monwana wa MODIMO (ELOHIM). O tlameha ho ithuta le ho iponahatsa o amohelehile empa o hlokomele diphetolelo tse fapaneng tsa nnete, tse ding ke nnete ha tse ding ke diphetolelo tse silafetseng ho tlosa Bojude ba YAHUSHUA esita le ho fetola ditaelo TSA KA hore di tsamaisane le mantswe a motho eseng mantswe a builweng ke Baprofeta le Barutuwa BA KA. Eng kapa eng e sa tsamaellaneng le Torah (Mangolo a Melao a Bibele) le Tanakh (Mangolo a Seheberu a Bibele) batla NNA mme o bone hore na motho ha a ka a fetola mantswe a mantlha, hobane baetapele ba kgopo ba lekile ho silafatsa Mangolo a Halalelang. Ho na le phetolelo e hlwekileng, batla NNA mme o botse ho NNA mme KE tla o bontsha phetolelo e hlwekileng ka tsela eo e neng e ngotswe ka yona qalong. (Dibibele tse ding tsa Searameiki kapa tsa Seheberu.)

 

Boprofeta Ba 49

Hlokomela! Le Tshwana Le Dinku Tse Lebiswang Tlhabong!

Ka La 2 Mphalane, 2001

 

Ka matsatsi ohle le lokela NNA ho nkgumamela, empa ho na le Sabatha Ya Nnete e le nngwe feela mme ke letsatsi leo YAHUSHUA a le fileng lona ha a ne a beha mohlala mme ya eba Morena wa Sabatha. Obamela le ho rorisa YAHUVEH le YAHUSHUA letsatsi le letsatsi, empa haholoholo ka Sabatha ya Nnete phomola ho YAHUVEH hobane NNA ke phomotse kamora hore KE bope lefatshe. O mang, motho feela hore o nahane hore ha ho hlokahale hore o phomole.

 

Latela Torah (Mangolo a Melao a Bibele) YA KA. Hlomphang Letsatsi la Sabatha ya Nnete mme le e boloke e halalela pele HA KA. Phomola letsatsing lena. Batlang ho utlwa ho tswa ho NNA ka letsatsi lena,NNA o mpotse hore na KE batla hore le etse eng ka letsatsi lena, o arohane le lefatshe mme le hlomphe MODIMO wa popo le Poloko ya lona. Na motho a ka tlatlapa MODIMO? Eya, esita le DiSabatha tsa Nnete tse kgethetsweng wena le "KE NNA" hobane o a bona lena e tla ba jwale le ka ho sa feleng letsatsi la phomolo.

 

Sheba letsatsing leo ka lona lefatshe le ketekang, mme le le botaweng, sebe se atile mme o tsebe hore sena ke thetso ya diabolosi ho halefisa "KE NNA" hoba ba bangata haba utlwisise hore ke letsatsi lefe la Sabatha ya Nnete. Bala mangolo a hao, na Lentswe LA KA ha le re, sebetsa matsatsi a tsheletseng (6) mme ka letsatsi la bosupa (7) o phomole? Sena ha se tumellano e fetelletseng ya molao, sena ke tlhohonolofatso e boloketsweng wena le "KE NNA." YAHUSHUA O TLA KGUTLA BAKENG SA MONYADUWA WA HAE KA SABATHA YA NNETE. Empa ha o tsebe hore na YENA o tla kgutla ka Sabatha efe, ka hona itokise. Ha ebe hore YENA  a se o fumane o nwa, o keteka, mme o sebetsa, ha lefatshe le sebetsa kapa o tla lla jwaloka barwetsana ba bahlano (5) ba mawatla ba se nang oli ka hara mabone a bona. Kgantsang mabone a lona jwale mme a dule a kgantshitswe, ho fihlela le bona YAHUSHUA a kgutla YENA ka Kganya ya hae yohle bakeng sa Monyaduwa wa HAE ya emetseng monyadi wa hae.

 

Boprofeta Ba 51

Boipiletso Bo Potlakileng Ba 144.000. Le Se Ke La Tshaba Bana BA KA Ba Ratehang,KE Phahamisa Tekanyetso Kgahlanong Le Ba Kgopo!

Ka La 2 Pudungwane, 2001

 

Bana BA KA, ba hlomathisitsweng ka Madi a Mora WA KA YAHUSHUA, le se tshohe. NNA, YAHUVEH, ke tla hlompha Selekane sa Madi seo KE nang le sona le lona. Ka mothapo wa madi a moya a YAHUSHUA, le lona le Bajuda. Ba hanang Selekane sa Madi a YAHUSHUA mme ba re ke hobane ke Bajude, ba hanang YAHUSHUA jwalo ka Mora WA KA le MESIA wa lona, le lemositswe. Erekaha le hanne mpho YA KA, NNA, YAHUVEH, ke le neileng yona Kalvari, jwale bao ba dumelang feela mme ba nang le tumelo ya hore ho boloka Mangolo a Melao a Bibele (Torah), Sabatha le mekete ho tla ba pholosa; NNA, YAHUVEH, ke le hopotsa, hore ntle le sehlabelo sa sebe, ha o etsa sebe ha ho na nyehelo e halalelang e hlokang sebe mme o tla ahlolwa e seng ke YAHUSHUA, empa ke Moshe le melao ya Moshe. Ho madimabe lona mohlang sena se etsahala.

 

Boprofeta Ba 56

BA HLOKOMEDISE!

Ka La 5 Phupjane, 2002

 

Ba Hlokomedise Moradi WA KA. O se ke wa makala ha e le ba mmalwa feela batla mamela, o se ke wa makala hore na ke ba bangata jwang ba tla soma. Ba bona basebeletsi ba nnete ba kang lona, jwaloka wena le baruti ba bang. Mme ba bona ditshebeletso di ya hloka. Ba iphepa difahleho tsa bona. Ha ba tsotelle bao e leng BA KA. Jwale, nako e fihlile, mme tlala e tla ba ka dimpeng tsa bona, mme ha ho marulelo a tla ba hodima dihlooho tsa bona. Mohlomong eseng kajeno, empa e tla ba nakong eo ba sa e lebellang. KE tla thiba ditsebe TSA KA hore di se ke tsa utlwa mehoo ya bona, bao ba nyedisang letsatsi LA KA la Sabatha. Ba lemose, Moradi WA KA.

 

KE sebedisitse tshebeletso ena ho leka tshepe ya batho. Batho le hlolehile, KE bitsa NNA ba nkgumamelang, ba ntshebeletsang ka botshepehi letsatsi le letsatsi, ba rapelang kahoo ba sitwang ho bala dihora tsa letsatsi, ho leka tshepe ya batho. Batho ba fumanwe ba haellwa, batho ba fumanwe ba se na qenehelo. Ka baka leo, ba lemose, Moradi WA KA. Ba tla soma mme ba tla tsheha. Ba re seo o se porofetileng ha se eso etsahale. Ba lebala leha e le ditemoso tsa boprofeta tse ho Tshenolo, eseng ka tekanyo eo o e boneng.

 

Boprofeta Ba 57

Hlokomela Pere E Kgolo Ya Lehong!

Ka La 30 Phupjane, 2002

KE halefile Bana BA KA, hobane le llela mohau bakeng sa Amerika empa moetapele wa Amerika o ikgohomosa jwalo ka modimo, ha se modimo. KE utlwa dillo tsa Batho BA KA ba Iseraele, eya esita le ba sa amoheleng Mora WA KA YAHUSHUA empa ba llela ho NNA Bana BA KA, ba hlompha matsatsi A KA a Sabatha, ba boloka mekete YA KA ya Bajuda mme ba mamela Molao WA KA. Iseraele e jere madi a YAHUSHUA le Jerusalema e jere madi a YAHUSHUA, leha ba sa a amohele. Hlokomela Amerika o Pere e Kgolo Ya Lehong. NNA, YAHUVEH, KE o hopotsa se etsahallang ho  Pere e Kgolo Ya Lehong. NNA, YAHUVEH, le YAHUSHUA jwale KE porofeta ho tswa ho Lekgabunyane LA KA, NNA, YAHUVEH, KE tla otla  Pere e Kgolo Ya Lehong mme ha KE e otla e ke ke ya hlola e phahama. NNA, YAHUVEH, le YAHUSHUA re tla kgaola hlooho ya pere. NNA, YAHUVEH, le YAHUSHUA re tla kgaola ditlhako tsa pere. Wena Amerika ha o sa tla hlola o kgona ho sisinyeha mme bahwebi ba tla lla ba le hole, kaha ba tla bona Amerika e tuka ho tswa hole. (Tshen. 18)

 

Boprofeta Ba 59

HA KE kgutlele MONYADUWA ya sa Mameleng!

Ka La 18  Phato, 2002

 

O se ke wa bua ho re lerako la tshireletso le pota-potile Amerika hobane sena ke leshano le tswang melomong ya baprofeta ba satane. Lerako la tshireletso le pota-potile batho BA KA, ba hweletsang ka LEBITSO LA KA. Ba kgumamelang YAHUSHUA le ba hlomphang DiSabatha TSA KA tsa Nnete, ba bakang mme ba ikokobetsa, ba shebang hodimo mme ba tseba hore topollo e a atamela. Bana BA KA, Monyaduwa, Bakgethilweng le Bakgethwa, ke bona bao lerako la tshireletso le ba pota-potileng. KE heleditse lekgwakgwa la tshireletso ho potoloha Amerika mme o tla bona folakga eo e tjha. Le se ke la halefela baapostola le baprofeta BA KA bao KE ba romelang ho lemosa timetso e tlang. Le ha ho le jwalo NNA ntebohe hore ke tsotella haholo ho lemosa.

 

Boprofeta Ba 61

Ba Kae Banna Bohle Ba Halalelang Ba Ka Ba Phahamisetsang Matsoho A Halalelang Ho NNA, YAHUVEH?

 

Ka La 11 Lwetse, 2002

 

Ba kae banna bohle BA KA ba Halalelang ba phahamisetsang matsoho a bona a halalelang ho NNA? Ke hobaneng ha e se dihlooho tsa moya tsa malapa? Ke hobaneng ha basadi ba laola manyalo? Ke hobaneng ha banna ba thothomela dikgutlong? Hape KE tlameha ho phahamisa bo-Deborah lefatsheng ka bophara ho etsa mesebetsi eo banna ba lokelang ho e etsa. Ke basadi ba tsebang Lentswe LA KA, e seng kaofela, empa maemong a mangata ke basadi ba reng,” Lena ke Letsatsi la Nnete la Sabatha”, re tla le hlompha. Ke basadi ba nkang bana ba ba hodisa moyeng ebe o ipotsa hore na ke hobaneng ha lehae le arohaneng le wa. Wa ipotsa hore na ke hobaneng ha botlokotsebe ba bana bo phahama, wa ipotsa hore na ke hobaneng ha dikolo tsa lona e le sebaka seo le senokwane se thata ka ho fetisisa se ka tshabang. Wa ipotsa hore na ke hobaneng ha bana ba busa batswadi. Ke hobane ha le utlwe mantswe A KA. Lentswe LA KA ha o ka ke wa le utlwa.

 

Buka YA KA e Molemo e bitswa feela buka e nngwe. Melao e bitswa ya kgale. Kajeno KE shebile, Bana BA KA ba etsa eng ka tsebo e ntjha eo ba neng ba sena yona pele. Etswe o ikarabella ka seo o se tsebang. Haeba o ne o sa tsebe hore Mekete ena e Halalelang ke Matsatsi a Halalelang ho NNA, jwale o ne o sa ikarabelle. Empa KE le bontsha hona jwale Matsatsi a phahameng a Halalelang, kamoo Matsatsi a Halalelang a neng a le molemo ka ho lekaneng hore Mora WA KA YAHUSHUA a ka a boloka. O lokela ho feta hakae wena hore o wa boloke.

 

Mora WA KA YAHUSHUA ke Morena wa Sabatha, Morena wa Sabatha, leha le tseba letsatsi le nepahetseng, ke ba bakae ba lona ba ntseng ba tlatsa dikereke ka Sontaha? Lona bareri le tla ikarabela, kgafetsa KE boletse, "Le hlompha Sabatha ya motho mme le suthisetsa Sabatha YA KA ya Nnete ka thoko." E loketse Mmopi, empa ba bopilweng ba nahana hore ba na le tsela e molemo.

 

KE a le rata Bana BA KA ba Ratehang, bao hona jwale ba sa tshabeng ho etsa ntho e nngwe le e nngwe eo KE e buang, bao ba hlomphang matsatsi a halalelang, bao ba llang le ba labalabelang hore YAHUSHUA a tle. Ba na le oli ka hara mabone a bona ha ba ntse ba letile mme ba na le oli e eketsehileng ntle le hore ha ba tsebe hore na ke hora efe kapa letsatsi lefe. Ba tseba hore YENA [YAHUSHUA] o tla kgutla ka Sabatha, empa Sabatha efe? KE bolelletse lekgabunyane lena, e tla ba ka Mokete Wa Diterompeta (Rosh Hashanah) mme e ngwe (1) e ya tla, empa ke Mokete wa Diterompeta (Rosh Hashanah) ofe?

 

Boprofeta Ba 64

Bolella Bana BA KA Ho Baleha Dikereke Tsa Babilona!

Ka La 16 Mphalane, 2002

 

Ba bolelle Moradi WA KA, ba bolelle. Bongata ba dikereke ke Babilona. Ba bolaisa dinku TSA KA le dikonyana TSA KA tlala. Baruti ba kgopo feela dikerekeng tsena tsa Babilona tse buang Mantswe A KA leha ho le jwalo ha ho matla ka hare ho bona. Ha ho lebese, ha ho nama ba feptjwang feela ke badisa ba kgopo ka leruo la dintho tse bonahalang tsa lefatshe lena ho haha ​​hodima meaho ya bona e seng e hahilwe. Ho bapisa dipalo le ba bang ha ba ntse ba ithorisa, 'Ke na le bongata bona ka phuthehong ya ka mme Ke na le ba bangata hakana phuthehong ya ka, empa oho ke ba seng bakae ba tlatsitsweng ke MOYA WA KA. Oho Pelo YA KA ya hlomoha Bana BA KA!

 

BOLELLA BANA BA KA HO BALEHA DIKEREKE TSA BABILONA!

 

Ba nang le Sabatha e entsweng ke motho. Oho, ke ba mmalwa feela ba leng teng dikerekeng TSA KA. Ba re ke dikereke TSA KA empa bona ha se BA KA. KE bolelletse batho BA KA bahlabani BA KA ba nnete ba matla hore ba balehe. Na MOYA O HALALELANG (RUACH ha KODESH) WA KA ha a kgone ho kena ka hare ho bona ha ba dutse matlung a bona? Kannete ke le bolella sena, bobe bo eketsehile ho fetisisang ho ba kgopo empa tlotso YA KA e eketsehile ka matla HO BAHALALEDI. Etswe bademona ba se ba lokollotswe mme ke hokae moo ba yang pele? Ba tlatsa ditulo mme ba ema ka mora dialetare, ka mora sethala. Ba eme moo ba ikgohomose ka boikakaso ba bona. Ba re ke na le dimilione tse ntatelang. Ba ithorisa mo Thelevisheneng empa KE le bolella nnete MOYA WA KA ha o yo ho bona.

 

Empa Oho, ke tse kae tse bitswang dikereke  Oho, ke tse kae tse bitswang Ditempele moo MOYA O HALALELANG (RUACH ha KODESH)  WA KA o sa dumellwang le ka hare. Ha ho tshusumetso ya MOYA. Moapostola le moporofeta ofe kapa ofe wa nnete o wa lelekwa. MOYA O HALALELANG (RUACH ha KODESH)  WA KA o a tingwa. Baprofeta BA KA ebile ba lokela ho ba le tumello ya ho porofeta. Ho madimabe lona badisa ba babe. Ho madimabe lona baruti ba babe. Le ruta Batho BA KA leshano. Le ke ke la ba ruta le Sabatha ya Nnete. Le ba bolella hore letsatsi lefe kapa lefe le tla loka. Empa KE o botsa potso ena hore na se neng se le molemo ka ho lekaneng ho Mmopi ha se a lekana bakeng sa hao?

 

Kahoo mathang Dinku tse nyenyane le Dikonyana tse nyenyane mathang. Ba tletseng tlotso YA KA le MOYA O HALALELANG (RUACH ha KODESH) WA KA, balehang dikerekeng tsa Babilona hore di seke tsa wela hodimo hao. Matha ho tloha mabokoseng a leqhwa a Mabitla. Kahoo KE o tlatse ka Mollo WA KA wa MOYA O HALALELANG (RUACH ha KODESH) kaha Dikereke tsa Babilona di re, 'Bodumedi bo le bong bo tshwana le bo bong' ba o bolella hore MODIMO ke lerato feela, bodumedi bo le bong ba lefatshe ke mohato o latelang ho ya ho anti-kreste.

 

Oho ke nnete KE na le dikereke tse mmalwa, Oho empa ke tse fokolang haholo tse tletseng MOYA O HALALELANG (RUACH ha KODESH) WA KA. Kahoo ke ba fokolang haholo ba tletseng lerato LA KA, ke ba fokolang haholo ba bolelang nnete, ha ho kereke efe kapa efe ka Sontaha e tla loka. KE bua le batho ba ho tsona jwale, eyang ho baruti ba lona mme le ba bolelle nnete. O ba hopotse Melao e Leshome eo KE o fileng yona. Ba hopotse Sabatha e ile ya thehwa ho tloha popong ha KE theha lefatshe lena. Jwale moruti eo o tla ikarabella hore na o ruta phutheho nnete kapa tjhe.

 

YAHUSHUA O TLA KGUTLA KA SABATHA. Na le tla ba barwetsana ba bahlano (5) ba bohlale kapa ba bahlano (5) ba mawatla? Ha ke tlele Monyaduwa ya sa mameleng. Ho na le ditshwaneleho tsa ho ba Monyaduwa WA KA. Oho, KE hlomoha jwang ebile Oho, KE llela jwang bao ba nahanang hore ke BA KA mme leha ho le jwalo RUACH ha KODESH MOYA O HALALELANG ha a yo le ka hare. KE sheba dikerekeng tsena tsa Babilona mme ha KE bone letho haese masapo a omeletseng.

 

KE tadima ya dutseng teroneng, ya jereng lere la borena mme o rwala moqhaka, o fana ka ditaelo tsa hae, o kgumamelwa ke dimilione lefatsheng ka bophara empa leha ho le jwalo MOYA O HALALELANG (RUACH ha KODESH) WA KA ha o yo ka hare. Ho le jwalo, moya o kgahlanong le mesia (anti-mesia) o dutse. Jwalo ka mehleng ya boholo-holo, bophelo bo ne bo hlokahala ho ba neng ba sa mo kgumamele, mme ho tla ba jwalo hape ha a etsa selekane le satane, ha a ntse a etsa selekane sa ho nka Iseraele, ha ho kreste ka hare ho yena esita le lere leo a le jereng le bua sena. Oho, kamoo KE tshollang dikeledi kateng le kamoo KE llang kateng ha matshwele a batho ba kgumame mme ba rapela maotong a hae.

 

Bona ke bodumedi ba Babilona, ​​bo nyedisang Sabatha ya Nnete. Hobane Sabatha ena e entsweng ke motho, Bana BA KA ba nnete ba tla e qoba. Eyang ho baruti ba lona, ​​le ba lemose, mme ha ba sa mamele, le balehe. Etswe o tla be o pakile hore MOYA O HALALELANG (RUACH ha KODESH) o buile ho tswa ho wena kannete. Balehang bana dikerekeng tsa Babilona hoba moo ho tla ho putlama. Dikereke tsa Kristale di nkga hampe dinkong TSA KA. Baruti bana ba hanang le ho bua nnete, bosodoma ke manyala ho NNA. Ho ntsha mpa ke polao; thobalano ntle le lenyalo ke bohlola.

 

Hopotsa baruti ba lona ka Mangolo a Melao a Bibele (Torah) le ho ba hopotsa Sabatha e thehilwe ho tloha popong jwalokaha ho boletswe ho Genese. Hopotsang baruti ba lona hore Sabatha ke e sa feleng e tla ba teng ka ho sa feleng; sena se ka Mangolong A KA a Halalelang. NNA nke ke ka fetola Letsatsi la Sabatha bakeng sa motho le hoja le bopetswe phomolo e halalelang bakeng sa batho bohle.

 

Lena ke letsatsi le halalelang le behetsweng ka thoko le tlisang kopano e haufinyana le NNA, letsatsi le tlisang tsosoloso, letsatsi le tlamehang ho halalela ebile le kgethehile ho fapana le matsatsi a mang ao NNA le ntshebeletsang le ho nkgumamela. KE beha Tiiso YA KA ya tshireletso ho Bana, Monyaduwa, Bakgethilweng  le Bakgethwa BA KA ba etsang sena e le sehopotso sa Mmopi wa bona YAHUVEH le Mopholosi wa bona a le mong YAHUSHUA.

 

Boprofeta Ba 67

Tshenyo Ya Majwe A Tjhesang E Ya Tla, Rapela Ho Tla Ba Le Tieho Ya Kahlolo!

Ka La 19 Tshitwe, 2002

 

Wena ya ipitsang Mokreste, ya ithorisang mme a re, "Nna ha ke Mojuda" empa KE itse, "O hlomathisitswe hare ha o latela YAHUSHUA mme YENA o mo amohela jwalo ka MESIA. Ho rata le ho beha YAHUVEH le YAHUSHUA pele maphelong a lona. Ho leka ho mamela melao YA KA, ho tseba hore o na le Mmuelli, Mopholosi ho Mora WA KA ha o etsa sebe, empa eseng ka boomo o hlonamise MOYA O HALALELANG (RUACH hA KODESH) WA KA o etsa sebe mme o beha moya wa hao kotsing. Ke ba mmalwa  hakaakang ba lona ba hopolang hore le tlameha ho sebeletsa pholoso ya lona ka tshabo le thothomelo.

 

Bongata ba lona ba ipitsang Bakreste, haholo le kgahlanong le Bajuda. Le qoba mekgwa ya Seheberu, Mangolo a Melao a Bibele (Torah), Mangolo a Seheberu (Tanakh) mme le batla feela ho tshehetsa Testamente e Ntjha. Le batla feela ho bokana mmoho ka Sabatha e entsweng ke motho [Sontaha], e seng ka DiSabatha tsa Nnete. Ke Bakreste ba bakae feela ba batlang ho keteka matsatsi a phomolo a bohetene a entsweng ke motho le ho qoba Matsatsi a Halalelang a nnete a Seheberu? Ke ba bakae ba lona ba sebedisang feela seo le se bitsang kereke ho kgothatsa nna kapa jwalo ka papadi ya feshene kapa mokete wa lesebo. Lona Bakreste ha le elellwe hore Pentekosta ha e fumanwe ho bongata ba dikereke tsa lona hobane le hlonamisitse MOYA O HALALELANG WA KA mme le lelekile MOYA O HALALELANG (RUACH ha KODESH).

 

O bala ka barutuwa ba leshome le metso e mmedi (12)  mme o qotsa mangolo a Sejuda mme o bolela hore Bibele ke ditshepiso tsa hao, empa o ikgaotse ho tsohle tseo e leng tsa Seheberu mme o ithorisa ka hore ha o Mojuda. Le iteta sefuba ho ithorisa kamoo NNA, YAHUVEH, ke kgaotseng sefate sa morara sa tlhaho ho  hlomathisa lona Baditjhaba, ​​e le hore sefate sa tlhaho sa morara se tle se boulele mme leha ho le jwalo, ebe le hana morara wa tlhaho mme le lahle dintho tseo NNA, YAHUVEH, ke ba rutileng tsona. Wena ya ipitsang Mokreste o dumeletse Roma hore e fetole letsatsi le le leng feela leo ke le behileng, le hlohonolofaditsweng le ho halaletswa, ​​mme o re, 'Letsatsi lefe kapa lefe le tla loka ho bitsa Sabatha.' Ha KE a ka ka kgetha letsatsi leha e le lefe; KE ile ka phomola ka Letsatsi la Bosupa. [Labohlano ha letsatsi le dikela ho fihlela Moqebelo ha letsatsi le dikela]

 

Ke hobaneng ha o sa ithute mme o iponahatse o amohelehile? Le tseba nnete mme leha ho le jwalo ha le a ka la jarisa baruti ba lona boikarabelo ba ho fetola letsatsi la kopano ho kgutlela letsatsing la Nnete la Sabatha. Haeba o ne o bolelletse baruti, "Le re bolella hore Bibele ke nnete leha ho le jwalo ha le latele nnete mme nke ke ka ba karolo ya kopano e sa tsamayeng nneteng." Ho le jwalo o hweshetsa nnete empa ha o e latele. Ha ho na moruti ya kileng a ikopanya le moradi enwa eo KE buang molaetsa ona ho tswa ho yena le ho mo leboha kapa ho mo kgothatsa ka ho ba kgalemela ka LEBITSO LA YAHUSHUA. Bana BA KA ba nkileng melaetsa ya boprofeta ya kgalemelo ho Baruti bana ba kgeswa kapa ba phaphathwa hloohong mme ba bolellwa, “Ke a leboha empa re tla tswela pele ka tsela e tshwanang,” ’ebe Bana BA KA ha ba mamele mme ba ntse ba dutse ka hara dikereke tsena tse hanang ho bua nnete le ho etsa dintho ka tsela ya YAHUVEH eseng ka tsela ya monna kapa ya mosadi.

 

Daniele o buile ka 'Sebata' se neng se tla kgathatsa Bahalaledi ba YAHUVEH mme se tla fetola dinako le melao ya YAHUVEH! ( Dan 7:25 ) Paulose (Shaule) ha aa ka a hlakola Sabatha, o ne a ka etsa ntho eo jwang? Na ke yena ya entseng Sabatha? Tjhe, "KE NNA" ya entseng Sabatha bakeng sa phomolo ya lona, ​​le phomole ho NNA hore KE tle ke le tsosolose. Mantswe a Paulose a ile a fetolelwa hampe, hobane le ka mohla a ke ke a o ruta ho se mamele Mangolo a Melao a Bibele (Torah). Mantswe a hae a sothwa hore a dumellane le setshwantsho sa motho eseng NNA, YAHUVEH. Paulose o ne a bua le Bajuda, a re: “Ho se be motho ya le ahlolang ka ho boloka matsatsi a itseng a halalela, kapa ho hlokomela matsatsi a halalelang.” Ha ho mohla a kileng a re, ‘Ha aa ka a boloka Sabatha,’ mme a kgothalletsa ba bang ho etsa se tshwanang. Paulose o ile a boloka melao YA KA ya Sejuda. Paulose o rutile hore ho na le mohau le mosa ho YAHUSHUA empa hape o ile a ruta ho mamela YAHUVEH.

 

Na ha o so bone hore Buka ya Daniele e ntse e hlakiswa ka pela mahlo a hao? Seo e kileng ya eba sephiri mme se kwetse ho wena se se se butswe, haeba le ka batla bohlale ho NNA kaha jwale ditshenolo tse ntjha di tswa ho batlotsuwa BA KA ba kang sejana sena seo KE profetang ho tswa ho sona. Mamelang mme le kopane hammoho ebile le hlokomedise hammoho hobane le a hlokana ka tsela e ntjha selemong se tlang sa 2003. Ke ka hona KE faneng ka toro ena ho Lekgabunyane LA KA ho le hlokomedisa hore le qale ho bokana mmoho.

 

Boprofeta Ba 68

Soma NNA (YAHUVEH) Haeba O Sebete!

Ka La 26 Tshitwe, 2002

 

Lentswe la tlhokomediso ho dira TSA KA, kahoo le iteta sefuba ho soma NNA (YAHUVEH), kahoo le iteta sefuba ho soma ho tla la bobedi (2) ha YAHUSHUA? Tswela pele mme o some mme o tla bona kgalefo YA KA e theoha ka tsela eo e tla bang jwaloka molapo o phoroselang, sefefo, moya o fokang mme ka nnete o tla hohola mooko. KE tla tlisa maqhubu jwalo ka ha maqhubu a bokgopo a fihlile Lehodimong, maqhubu a lewatle le mawatle a tla duma, difefo tse tswang Lehodimong tse sa tshwaneng le eng kapa eng eo motho a kileng a e bona. Sefako le sebabole di tla wa hape feela jwalokaha KE o bontshitse torong ya hao, hobane ha majwe a tjhesang (meteor) a qala ho wa, a tla phatloha ka mollo. Jwalo ka torong eo KE o fileng yona bosiung bona, sefako se tla tla ka tsela eo le so e boneng mmoho le moya. E tla pshatla difensetere. Mohatsela ona le ho bontshitseng kgahlanong le NNA Mmopi kgahlanong le Mora WA KA YAHUSHUA, KE tla tshollela  mohatsela oo hape hodima bona.

 

Leqhwa le tla theoha Lehodimong. Mollo o tla theoha Lehodimong. Lefatshe le tla reketla, le thothomele. Bofofu bo tla otla motho jwaloka ha ba foufaditswe moyeng, jwaloka ha ba foufaditswe nneteng mme ba e hana, jwalokaha ba foufaditswe ho Kgalalelo. Feela jwalokaha matsatsing a Sodoma le Gomora sebabole le sefako le bofofu di tla ba wela hape. Ka hona, tswela pele KE o kgothaletsa ho soma. KE bua le dira TSA KA jwale; o ntse o tjheka ho ya boemong ba hao, ho isa sekoting sa mollo ho ya diheleng tse o emetseng, ho fihlela boemong boo o tla theohela ho bona. Ka lentswe le leng le le leng le tswang melomong ya lona e nyedisang le ho soma, le hanang mohau WA KA le lerato LA KA, le hanang Mora WA KA YAHUSHUA. Tswelang pele ho soma, lona dira TSA KA tse silafatsang Sabatha YA KA. Lona ba somang Sabatha, lona ba nyedisang setjhaba sa Bajude, lona ba hloileng Iseraele, ba ekang Iseraele, ba ekang bakgethilweng BA KA, Bana ba KA, Monyaduwa WA KA le Bakgethwa BA KA. Tswelang pele ho soma.

 

KE NNA, YAHUVEH, KE tla tsheha la ho qetela. O tsositse bohale BA KA, o tsositse kgalefo YA KA. O re, 'Ke tla bapala MODIMO' ka tsebo eo KE o fileng yona. Ok bopa motho ka setshwantsho sa motho, ha Lentswe LA KA le re, 'le bopilwe ka setshwantsho SA KA.' O bapala dipapadi tsa hao le boemo ba lehodimo. Jwale KE tla o bontsha moetsi wa boemo ba lehodimo boo. Maiketsetso a popo a lona a tla o fetohela. Dintho tseo o di qapileng di tla o fetohela. Sebetsa leha e le sefe seo o lekang ho se sebedisa kgahlanong le Bana BA KA se tla kgutlela ho wena. Hobane KE ahlola Sodoma le Gomora hape, KE ntse ke tadima lefatshe lena. KE a tseba hore na ke bafe bao mangeloi A KA a ba tshwaileng mme dintho tsena di ke ke tsa ba hlahela.

 

Boprofeta Ba 69

Ho Tla Tla Ho Fetoha Ha Balebedi!

Ka La 31 Tshitwe, 2002

 

O retelehela ho mahlale (saense) bakeng sa modimo wa hao? O retelehela dipolotiking ho fana ka ditlhoko tsa hao? Moloko o mawatla, o mawatla, o hlokang kelello! Le fetohela tsebong ya lefatshe lena mme le qhelela ka thoko Buka YA KA e le ya kgale, buka e tletseng nnete le tsebo yohle, Buka eo Baprofeta ba e boletseng esale pele. Tlohang, Tlohang, Tlohang ho NNA, hole le NNA ka borapedi ba lona bo nyefolang ha le ntse le tlatsa ditulo tsena ka Sontaha mme le leleka barapedi ba nnete ba Sabatha. KE tla boela ke o bontshe, kahlolo e qala ka tlung ya YAHUVEH. Jwalo hang hape YAHUSHUA o tla otla batjhentjhi ba tjhelete mme a ba lelekise ka ntle ho monyako.

 

Boprofeta Ba 75

NNA, YAHUVEH, Ke Tla Halaletsa Mme Ke Kopane Le Wena Ka Hara Sukha Ya Hao!

Ka La  27 Phato, 2004

 

Se molemo ka ho lekaneng hore YAHUSHUA a se hlomphe na ha se a lekana ho wena? NNA, YAHUVEH ke le hopotse. Ha o rapele le ho sebeletsa Mesia wa Mokreste empa ho le jwalo, YAHUSHUA o tswetswe ke Kgarebe ya Moheberu naheng ya Baheberu, o tsamaile ebile a fana ka dipontsho, dimakatso le mehlolo mobung wa Baheberu. YAHUSHUA o ne a boloka Mangolo a melao a Bibele (Torah) mme a fumanwa a se na sebe. YAHUSHUA o ne a rera e le Rabi ka Shabata e le nngwe ya Nnete (Sabatha).

 

YAHUSHUA o ne a sa rere ka Tempeleng ka Sontaha. Ba nang le ditsebe tsa Semoya ho utlwa, mamela. Ba bang kaofela ba dule ba sa utlwe ditsebeng. Hobane Sabatha ke ya ka ho sa feleng mme ka ho sa feleng e tla ema hobane NNA, YAHUVEH, ke hlodile lefatshe ka matsatsi a tsheletseng (6) mme ka letsatsi la bosupa (7) NNA, YAHUVEH, ke phomotse mme ka laela batho ho etsa se tshwanang. Mora WA KA YAHUSHUA o bolokile Sabatha e Halalela mme YENA o bitswa Morena wa Sabatha. YENA ke mohlala wa ho boloka Sabatha e Halalela. Mora WA KA ya Ratehang YAHUSHUA o ile a hlokofatswa le ho thakgiswa ka mantswe a kgokgothetsweng ka hodima hlooho ya hae ho ne ho se diabolosi kapa motho ya neng a ka a tlosa mme YAHUSHUA o ile a shwa mme a tsoha hape mobung wa Baheberu ho tswa lebitleng la Baheberu.

 

Ha tsena tsohle di builwe, ho paka hore YAHUSHUA ke MESIA wa Mojuda ya tsohileng bafung, le se ke la latela ditsela tsa bahetene mme le se boloke mekete ya bohetene eo YAHUSHUA a sa kang a e boloka. Haeba e le siyo ka Mangolong a Halalelang, ke hobaneng ha le halefisa NNA, YAHUVEH, le ho eketsa Mantswe A KA le ho ruta hore matsatsi a bohetene a lokela ho hlomphuwa empa le qobe ho boloka matsatsi ao NNA, YAHUVEH, ke a laetseng a halalela mme le ho hopolwa jwaloka mehleng ya kgale?

 

NNA le mmemela matsatsing a lona a phomolo a entsweng ke motho mme leha ho le jwalo ke hobaneng ha lona, ​​ba reng le latela, le sebeletsa, le rapela, le mamela YAHUVEH le YAHUSHUA, le fana ka mabaka hobaneng sena e le sa Batho ba Baheberu feela? Na ha o Moheberu ka ho amohela Madi a Mora WA KA YAHUSHUA Kalvari, kaha ke YENA feela e bileng Sehlabelo sa Madi bakeng sa dibe tsa hao?

 

Na ha o dumele hore YENA o phela jwale ka ho wena ka MOYA O HALALELANG (RUACH ha KODESH)? Ho tseba Mora WA KA YAHUSHUA kannete, o tlameha ho tseba Bojuda ba MESIA wa hao ya Tsohileng. Ke hobaneng ha o tsitlallela ho bitsa YAHUSHUA 'Jesu Kreste' ho ena le ka LEBITSO LA HAE la Seheberu, YAHUSHUA e leng sehopotso sa kamehla ho satane hore YAH wa pholosa. Ke hobaneng ha o tsitlallela ho sotha mangolo ka Bibeleng ho etsa mabaka a hore na ke hobaneng ha o sa Hlomphe Letsatsi la Nnete la Sabatha le ho le boloka le halalela ka pele HA KA, YAHUVEH?

 

Na ehlile ho boima haholo ho behella ka thoko nako ya Labohlano letsatsi ha le dikela ho fihlela Moqebelo ha letsatsi le dikela le ho dumela hore lena ke Letsatsi la Sabatha le ho le boloka le halalela? Ha o sa tsebe hantle o na le lebaka, empa ka mora hore o tsebe nnete mme o se ke wa dumella nnete hore e o lokolle mme o re, ha o tlasa bokgoba ba melao ya kgale,’ ke taelo efe e nngwe eo o batlang hore ke e tlose hobane feela e o sitisa? Feela hobane ba bang ba ka nna ba se ke ba utlwisisa, haeba o kena Kereke ya Sontaha mme o se moo ho tsebisa moruti le phutheho hore ba fositse ka ho se rute Bojuda Ba MESIA ya Tsohileng, jwale NNA, YAHUVEH, ke o bitsa lekwala mme o a ikarabella.

 

KE o roma ho ya lemosa ba bang, mme o sekisetsa seo o tsebang hore ke nnete. NNA nkgumamele matsatsi a supileng (7) ka beke mme le bokane hammoho haeba le lakatsa empa le nehe YAHUVEH Tlotlo ya ho amohela ka ho kgetheha Letsatsi la Sabatha le ho le boloka le halalela le ho phomola mesebetsing ya lona letsatsing lena le ho le thabela le NNA. Ha le ya rerelwa ho ba letsatsi la ho hlomoha empa e le la thabo. Na sena se hlile se thata haholo? KE le fa Matsatsi a Mekete e Halalelang ho keteka le ho nyakalla ntle le Letsatsi la Dipheko (Yom Kippur), ha le lokela ho itima dijo le ho hopola theko YAHUSHUA a e lefileng bakeng sa dibe tsa lona. Na ho thata haholo ho le ithute ka Matsatsi a Halalelang a Seheberu?

 

NNA nka be ke kgethile hore YAHUSHUA a tswalwe setjhabeng sefe kapa sefe empa NNA, YAHUVEH ke ile ka hlompha Batho ba Baheberu ka ho ananela leloko la bona. Lona ba amohelang tshelo ya madi ya YAHUSHUA jwale ha le sa le bahetene mme ha lea lokela ho latela mekgwa ya bahetene kapa matsatsi a bona a phomolo. Ho ena le hoo, latela Matsatsi a Halalelang jwalo ka ha NNA, YAHUVEH, ke laetse hore e be tlhohonolofatso ho lona. Le ikarabella bakeng sa seo le se tsebang hona jwale, hore le se etsang ka sona ha se boikarabello ba Moradi WA KA Elisheva, boikarabello ba hae ke ho le fa mantswe ao NNA, YAHUVEH, ke a buang ho tswa ho eena. Sena jwale o se entse.

 

Boprofeta Ba 76

Monyaduwa Ya Ratehang Wa YAHUSHUA, Tsoha Ebile O Itokise Hobane Monyadi Wa Hao O a Tla!

Ka La 12 Lwetse, 2004

 

Jwalokaha Lenaka la Pheleu (Shofar) le letswa Lenyalong la Bajuda ho phatlalatsa Monyadi, le NNA, YAHUSHUA, ke tla etsa hore Lenaka la Pheleu (Shofar) le letswe ho phatlalatsa ho tla HA KA bakeng sa Monyaduwa WA KA ya Ratehang mamela Lenaka leo la Pheleu (Shofar), ha le hole. KE ile ka profeta ho tswa ho Lekgabunyane le kgethehileng lena hore KE tla kgutla hape ka Sabatha mme ka bua le yena, "Haeba Mokete wa Ditrompeta (Rosh Hashanah) e le Letsatsi leo KE tla tla ka lona," ha o tsebe hore na ke lefe. Hape KE ile ka profeta ho tswa ho yena mme ka bua le yena ka lentswe le utlwahalang, "Ya pele  tlhwibilo ebe e nngwe bakeng sa bao KE ba ratang." Baeti ba tla ba lekgatheng  la bobedi la ho nkuwa ho papisong ya barwetsana ba leshome; monyetla wa bobedi o fuwa Monyaduwa ya hlokang kelello eo KE mo bolellang hore a lebele, hobane ha le tsebe hore na KE tla kgutla ka hora efe.

 

Monyaduwa wa YAHUSHUA ha a thatafallwe ke ho boloka Melao e Leshome, ho ena le hoo, le a e hlokomela mme le a e sireletsa le tseba hore YAHUVEH o ngotse Melao ena e Leshome letlapeng la lejwe ka monwana wa hae mme YENA ha a fetola Melao leha e le ho furalla leha e le o mong wa yona. Motho o fetola Melao, eseng Abba YAHUVEH eo e leng Mmopi wa Melao e fuweng Moshe Thabeng ya Sinai. YAHUVEH ke Mmopi wa Sabatha mme o laetse popo yohle ho e hlompha ha yena a phomola ka letsatsi la bosupa (7) kamora ho bopa Popo yohle. Sabatha ke ya ka ho sa feleng, ha e fele, mme e tla hlomphuwa Pusong ya Dilemo tse Sekete.

 

Kannete ke re ho wena, Monyaduwa wa Nnete wa YAHUSHUA, o tseba tsena tsohle mme takatso ya hao feela ke ho mamela lentswe le leng le le leng la YAHUVEH mme KE Nna Lentswe leo le ileng la etswa Nama. KE Nna Lengolo  La Bibele (Torah) le Phelang. Kannete KE re ho lona, ​​Monyaduwa wa YAHUSHUA le batla ho mamela le ho nka bohato bo eketsehileng, eng kapa eng e hlokahalang ho mamela Abba YAHUVEH, ho etsa seo ba bang ba se nkang e le bowatla, jwalo ka ho boloka Matsatsi a Mekete e Halalelang le ho boloka Sabatha ya Nnete le ho baleha bodumedi bo entsweng ke motho bo fetotseng Sabatha ho Sontaha. Monyaduwa WA KA wa tseba hore ntho efe kapa efe e silafetseng kapa e sothehileng ha e Halalele mme ke manyala ho YAHUVEH jwalo ka ho bolaya bana ka mpeng, bosodoma le manyalo a batho ba bong bo tshwanang. Monyaduwa WA KA, ha le kgutse empa le hanyetsa dintho tsena ka lentswe le phahameng mme le ahlola mang kapa mang ya sa etseng jwalo, le ba bitsa lekwala le moikaketsi.

 

Na ho a makatsa hore ebe Bajuda le BaIseraele ba ke ke ba mamela Bakreste, hobane ha ba tsebe Mora wa YAHUVEH ya reng KE Morena wa Bajuda le Mesia o ne a tla furalla Sabatha mme a rute hore letsatsi lefe kapa lefe le tla loka, ha e ne e le letsatsi la bosupa (7) ha YAHUVEH le NNA re phomotse ka mora ho etsa Popo? Ke hobaneng ha lona ba ipitsang Bakreste NNA le ntlhompholla ka ho roba Mangolo a Melao ya Bibele (Torah) e filweng Moshe mme le sa hlomphe Matsatsi a Halalelang a laetsweng ke YAHUVEH hore a Halalele ho YENA? Na ha KE a ka ka re ha KE a tla ho hlakola melao ya baprofeta ba kgale empa ho e phethahatsa?

 

Boprofeta Ba 77

Bonang, NNA YAHUVEH, Ke O Romela, Ka Tlotso E Ntjha Ho Dikereke Tsa Pentekosta Bakeng Sa Bao Ba Tla Dumela Le Ho Amohela!

Ka La 26 Tshitwe, 2004

 

Ba rute Moradi WA KA, ba rute. O na le morwalo bakeng sa Mapentekosta hobane ke o pholositse Kerekeng ya Pentekosta. KE o tlotsitse Kerekeng ya Pentekosta. Ke o tlatsitse ka MOYA O HALALELANG (RUACH ha KODESH)  WA KA ya ratehang moo o amohetseng Maleme a Halalelang. Ke moo ke o fileng takatso ya ho sebeletsa NNA matsatsi ohle a bophelo ba hao. Jwale ke kopa hore o busetse. O re o halefile hobane Dikereke tsa Pentekosta ha di a ka tsa o ruta Bojuda ba Mesia wa hao, ​​ho boloka DiSabatha tse Halalelang, ho boloka Mekete e Halalelang. Jwale he ba rute. Ke ka lebaka lena KE o rometseng lefatsheng lena, Naheng ena, moo o itseng ha o batle ho ya teng. Empa KE a o  bolella hore tlotso e tlang e tla feta tse ding tsa Azusa hobane ke o rometse Dikerekeng tsa Pentekosta, hobane ba ka mamela jwang seo ba sa se tsebeng. Ho fihlela jwale o itse feela hore o Mojuda wa BoMesia, kahoo Mapentekosta a ya tla empa butle-butle kantle le bao KE ba romelang ka bonngwe.

 

Ha ba bitsa Mora WA KA, eseng feela ka lebitso la Jesu Kreste, empa ha ba hlompha lefa leo ke ba fileng lona lefatsheng lena. Hobane YENA o tswa lelokong la Davida, YENA o tlile e le Moheberu, kahoo ba ruteng. KE batla hore YENA a hlomphuwe ebile a bitswe ka Lebitso la hae YAHUSHUA. KE etsa tshepiso mme KE etsa kano, bao ba tla mamela, bao ba ipitsang Mapentekosta, le hasane lefatsheng ka bophara, sena ke seo satane a se tshohang le ho se thothomella. Ha feela le ka amohela nnete ya Bojuda ba Mesia eo le nehetseng bophelo ba lona ho yena. Ha feela le ka mamela mme le tsebe hore Letsatsi la Sabatha ha se ka Sontaha.

 

Boprofeta Ba 79

NNA, YAHUVEH, Ke Re, “Batho, Le Fosa Ntlha!”

Ka La 2 Phato, 2005

 

Haeba le sa mamele NNA hona jwale mme le sekisetsa ka letsatsi leo KE le behelletseng ka thoko e le Letsatsi LA KA la Sabatha e Halalelang mme haeba le sa nahane hore ho bohlokwa ho mamela o mong le o mong ya Melao YA KA. Ke eng e etsang hore le nahane hore le tla mamela nakong ya Matshwenyeho a Maholo a tlang haufinyane? Ke hobaneng ha ho le bonolo ho mamela dithuto tsa batho ha di sotha Mantswe A KA ho dumellana le setshwantsho sa motho ya sebeng. Le hoja Mora WA KA YAHUSHUA e le phomolo ya lona, ​​ha se letsatsi la lona la phomolo. Mora WA KA YAHUSHUA ha se letsatsi, mme Molao WA KA wa bone (4) o bolela ka ho hlaka hore le boloke Letsatsi LA KA la Sabatha le Halalela. Ke karolo efe ya sena eo le sa e utlwisiseng? Eya, phomola ho YAHUSHUA hobane YENA joko ya hae e bonolo mme YENA mojaro wa hae o bobebe empa sena ha se amane le Letsatsi la Sabatha. Na YAHUSHUA ha a ka a boloka Sabatha?

 

Na ha KE a ka ka romela Mora WA KA YAHUSHUA ho ba mohlala ho lona? Na le a tseba hore na KE hobaneng ha ke behile letsatsi la phomolo ka thoko? [Genese 2:1-3] Na ha le tsebe hore Letsatsi lena la Sabatha ke tlhohonolofatso ho lona eseng thohako? Molao WA KA wa bone (4) o bolela ka ho hlaka hore boloka Letsatsi LA KA la Sabatha le halalela. Na molao oo KE o ngotseng ka monwana WA KA o tukang hodima letlapa la lejwe mme ka o neha Moshe Thabeng ya Sinai ha o re, "Hlompha Letsatsi LA KA la Sabatha mme o le boloke le halalela?" Hape KE a o botsa, ho tloha neng Mora WA KA YAHUSHUA e le Letsatsi? Ipotse, ke hobaneng ha satane a ka fetola letsatsi la Sabatha ho ba Sontaha haeba le ne le ke ke la sebediswa bakeng sa morero wa hae Matshwenyehong a Maholo?

 

Le se ke la mamela ba rutang ka tsela e fapaneng. Mona ho na le tlholo. Ho ngotswe Lentsweng LA KA le Halalelang hore NNA, YAHUVEH, nke ke ka bua leshano. Haeba NNA o mmamela ho na le ditlhohonolofatso le tlholo jwalokaha ho boletswe ho Deuteronoma 28. Ho na le dithohako ho ba sa mameleng. Bala mme o ithute se ngotsweng ho Eksoda 31:12-17. Sabatha Ya Nnete e tla ba pontsho pakeng tsa NNA, YAHUVEH, le Batho BA KA, ebile e tla sebediswa ho kgetholla hore na ke mang ya rapelang kannete le hore na ke mang ya tla sebeletsa NNA Matshwenyehong a Maholo. Na le tla rapela NNA, YAHUVEH, le YAHUSHUA ka Sabatha ya Nnete e leng Labohlano ho fihlela Moqebelo? Kapa nakong ya Matshwenyeho a Maholo na le tla sebeletsa le ho rapela mora wa satane ka Sontaha?

 

Haeba le sa boloke Letsatsi LA KA le Halalelang la Sabatha hona jwale, ke eng e etsang hore le nahane hore le tla etsa jwalo nakong ya Matshwenyeho a Maholo a leng haufi haholo. Ke kahoo KE buang ho tswa ho Lekgabunyane le Kgethehileng (Ring Maiden) lena LA KA ya hlomamisitsweng ho ba moprofeta ditjhabeng, kahoo temoso ena e tla utlwahala lefatsheng ka bophara. Na ha le tsebe ba rutang hore ho ke ke ha kgoneha ho mamela le ho halalela ho NNA, ba beha mabaka bakeng sa sebe sa bona?

 

NNA, YAHUVEH, KE RE, "BATHO, LE FOSA NTLHA.”

 

Sena ha se a bulelwa bakeng sa ngangisano. Le tla etsa seo NNA, YAHUVEH, ke se buang kapa Matshwenyehong a Maholo ka meya ya lona le tla lefa. Bao ba ileng ba ema mme ba re, "Ke tla ba moahlodi wa Elisheva, ke tla ba lekgotla la Elisheva" bakang jwale kapa le tla tobana le NNA mme KE tla re, "Tloha ho NNA wena ya sebetsang bokgopo," hobane KE NNA YAHUVEH mme ha KE nke karolo ngangisanong efe kapa efe. KE Nna feela moahlodi, KE Nna feela mookamedi, KE Nna feela molaodi.

 

NNA, YAHUVEH, KE RE, "BATHO, LE FOSA NTLHA.”

 

Le mamela banna bana jwale mme le dula dikerekeng tsa lona le dumela mashano a hore Sontaha ke Sabatha kapa ha ho etse phapang hore na ke letsatsi lefe la Sabatha. Le dumela mashano ao baboledi le boRabi ba bang ba a rutang a hore ha ho na matla a maholo a tlotso MABITSONG a halalelang a Seheberu a YAHUVEH le YAHUSHUA le MOYA O HALALELANG (RUACH ha KODESH), hore lebitso lefe kapa lefe le tla loka. Baruti ba le bolella hore ha ho bohlokwa ho ithuta Bojuda ba MESIA. Ba re haeba o se Mojuda ha ho hlokahale. Bareri bana ba se nang molao ba le ruta hore le baditjhaba mme ha le a tlameha ho mamela melao e filweng Bana ba Iseraele. Na le lebetse hore ha le amohela Mora WA KA YAHUSHUA jwalo ka MESIA le bile motho a le mong le YENA? (Baroma 11:16-21)

 

Le a ipotsa, "Matla a tlotso a kereke ya pele a kae ka dipontsho, dimakatso le mehlolo?" Le a hweletsa, "Ponahatso ya mehlolo e kae jwalo ka mehleng ya kgale?" Kgutlelang morao mme le etse seo kereke ya pele e se entseng mme le tla bona mehlolo ena hape. Ho bao ba sa tsebeng hantle, KE re, "Le ikarabella bakeng sa seo le se tsebang feela." Jwale le ikarabella, hammoho le ho ruta ba bang dinnete tsena. Empa ho bao ba tsebang se nepahetseng ebe ba etsa se fosahetseng, le tla lefa ka moya wa lona.

 

NNA, YAHUVEH, KE RE, "BATHO, LE FOSA NTLHA.”

 

Le mamela baetapele bana ba kgopo ba moya ba etsang mabaka bakeng sa sebe. Ke eng e etsang hore le nahane hore Matshwenyehong a Maholo le ke ke la etsa se tshwanang hape le mora wa satane? KE le bolelletse ka boprofeta boo ke bo lokollotseng ho tswa ho Elisheva hore Mora WA KA YAHUSHUA o tla kgutla bakeng sa Monyaduwa WA HAE ka Mokete wa Ditrompeta (Rosh Hashanah) mme e tla ba ka Sabatha [Shabbat]. Haeba le sa rutwa ho boloka Sabatha (Shabbat) YA KA le Matsatsi A KA a Halalelang, le ho ithuta MABITSO A RONA A Halalelang (sheba "Hobaneng re Sebedisa Mabitso a Halalelang") le Mangolo a Melao a Bibele (Torah) YA KA ho e mamela, le tla tseba jwang ho hlompha NNA le Mora WA KA YAHUSHUA jwalo ka ha ke laetse? Le tla tseba jwang hore na ke letsatsi lefe ntle le ho ithuta le ho bontsha hore le amohelehile hore NNA, YAHUVEH, ke le behetseng ka thoko ho ba Sabatha (Shabbat) YA KA, le tla itokisetsa jwang ha YAHUSHUA a kgutla hape?

 

NNA, YAHUVEH, KE RE, "BATHO, LE FOSA NTLHA.”

 

Haeba le sa hlomphe le ho boloka Mekete YA KA e Halalelang, le tla tseba jwang hore na Mokete wa Ditrompeta (Rosh Hashanah) ke eng le hore na ke neng? Ere ha le setse le tla botsa, "Hobaneng?" Kahoo KE bua ho tswa ho Lekgabunyane le Kgethehileng (Ring Maiden) LA KA mme ke le bolella esale pele hore NNA, YAHUVEH, ke profeta ho tswa ho Lekgabunyane le Kgethehileng (Ring Maiden) eo e leng karolo ya Monyaduwa wa Mora WA KA YAHUSHUA.

 

Monyaduwa wa YAHUSHUA a ke ke a fetolwa feela ho ba le Mebele ya bona e Kganyang mme ba tlatswe ka tlotso jwalokaha eka YAHUSHUA ka boyena o tsamaya hara bona, mme le bona. Yena o tla ba tlatsa ka tlotso e kaalo ha ho letho le ke keng la se kgonahale bakeng sa bona. Mme ka matsatsi a mashome a mane (40) Monyaduwa wa Mora WA KA YAHUSHUA o tla lemosa, "Le se ke la nka Letshwao la Sebata." Ba tla ya ho bao KE ba bitsang baeti le bao mabitso a bona a ngotsweng Bukeng ya Bophelo ya Konyana mme ba tla re ho bona, "Le se ke la hloka kutlo, le se ke la inehela, leha se ka baka pheletso ya bophelo ba lona ba lefatsheng."

 

Wa bona, KE sebedisa Lekgabunyane le Kgethehileng (Ring Maiden) hona jwale, leha a se na Mmele wa hae o Kganyang, e le lentswe le hweletsang temoso pele ho nako. Hobane KE mo bitsitse hore e be moprofeta ditjhabeng. Le se ke la nka Letshwao la Sebata! Borapedi ba Sontaha le Letshwao la Sebata di hokahane. Hlokomela, o tla lahlehelwa ke moya wa hao haeba o boloka molao wa borapedi ba Sontaha nakong ya Matshwenyeho a Maholo. KE tla tlameha ho kopa tshwarelo ho Sodoma le Gomora tseo KE di sentseng ka mollo le sebabole haeba ke dumella manyala ana a lefatshe ho tswela pele nako e telele tsela eo ho leng ka yona. NNA nke ke ka kopa tshwarelo ho Sodoma le Gomora. KE tla timetsa le ho fedisa sohle seo NNA, YAHUVEH, ke se hloileng.

 

Bareri bana ba bohata ba etsa mabaka a ho etsa sebe mme le ba mametse. Le tla tshebeletsong ena bakeng sa dijo tsa lona tsa moya, ho latswa tlotso, ho nwa lebese la moya le ho ja nama ya moya. Jwale ke ba bakae ba lona ba sekisetsang mme ba ya dikerekeng tsa Sontaha. Le wela maotong a moruti wa lona ka botshepehi mme ke moo le fanang ka karolo ya leshome le dinyehelo tsa lona. Le ke ke la ba mahlakoreng a mabedi. Le tlameha ho etsa qeto ya hore na ke letsatsi lefe leo ke le laetseng e le Sabatha, hobane jwalo ka ha ke laetse hore na ke letsatsi lefe leo e leng Sabatha, e leng letsatsi leo le lokelang NNA ho ntlhompha le ho phomola le ho atamela ho nna.

 

NNA, YAHUVEH, KE RE, "BATHO, LE FOSA NTLHA.”

 

Mme kahoo mora wa satane o tla laela ba sekisetsang hore ba mo kgumamele ka letsatsi leo a laelang ka lona.

 

NNA, YAHUVEH, KE RE, "BATHO, LE FOSA NTLHA.”

 

Jwalo ka ha Mora WA KA YAHUSHUA a buile mme YENA a re "Nwang veine ena le je bohobe bona, le etse sena nna ho nkgopola." Matshwenyehong a Maholo a tlang haufinyane, na ha le tsebe hore mora wa satane o tla re ho bohle ba amohelang Letshwao la hae, "Etsang sena ho nkgopola." Ba tla nwa madi a bashwela tumelo ho tswa dinkgong. Di tla tlatswa madi mme jwalo ka di-vampaya, ba tla nwa madi ao. Mme feela jwalo ka ha sejana sa selallo se fetiswa, ruri, ba tla fetisa sejana mme mora wa satane o tla re, "Etsang sena nna ho nkgopola." Nama e besitsweng ya bashwela tumelo ba tla e ja. Ba tla soma selallo SA KA le Monyaduwa wa YAHUSHUA. Ka nnete ba tla nyedisa Monyaduwa wa YAHUSHUA hobane ba tseba hore dithapelo tsa ba lokileng di ile tsa thiba mora wa satane ho fihlela e eba nako ya ho bitsa Monyaduwa wa YAHUSHUA a tsamaye.

 

Dithapelo tsa ba lokileng di thusa haholo. NNA, YAHUVEH, ke a le lemosa hore e se e qadile. Ho tla ba le mekete ya thobalano dikerekeng tsa Sontaha Matshwenyehong a Maholo. E tla ba ka tsela ena mora wa satane a somang Monyaduwa wa YAHUSHUA. Hobane YAHUSHUA le Monyaduwa WA HAE ke motho a le mong, mme bohle ba obamelang YAHUSHUA, ba mamelang Mora WA KA ke motho a le mong, hobane ke kgokahano ya moyeng mmele, kelello, moya le moyeng. Wa satane mora o tla soma nakong ya Matshwenyeho a Maholo, o tla tshwara mekete ya thobalano dikerekeng tsa Sontaha. Qalo ya thetso e kgolo ke dikereke tsa bosodoma. Hape ke re, "Sebe se se se qadile."

 

NNA, YAHUVEH, KE RE, "BATHO, LE FOSA NTLHA.”

 

Ena ke tsela eo ke sebedisang tshebeletso ena ka yona, ho arola dinku ho dipodi, ho arola koro ho mofoka (mofoka). Bao mabitso a bona a ngotsweng Bukeng ya Bophelo ya Konyana pele lefatshe lena le thewa. Bana ke bao mabitso a bona a tla dula Bukeng ya Bophelo ya Konyana. Ba ke ke ba obamela mora wa satane mme ba tla hana Letshwao la Sebata. Esita le haeba o utlwa kapa o bala sena hona jwale mme o tswela pele ho sekisetsa jwale, nakong ya Matshwenyeho a Maholo o tla boloka le ho hlompha Sabatha (Shabbat) ya nnete e leng Labohlano ha le dikela ho isa Moqebelo letsatsi le dikela le hoja ho ka bolela bophelo ba hao mme o tla bolaelwa tumelo.

 

Mabitso ohle a lona a se a ngotswe hobane KE ne ke se ke ntse ke tseba pele le tswalwa lefatsheng lena seo le neng le tla se etsa. Haeba le sa mamele jwale, le tla mamela ka nako eo. Bao ba balang le ho utlwa molaetsa ona mme ba tsikitlanya meno a bona ka bohale ho Lekgabunyane le Kgethehileng LA KA. Ka mokgwa o tshwanang le lona le tla tsikitlanya meno a lona ka bohale mme le sisinye setebele ho NNA, YAHUVEH, Mmopi wa lona, ​​nakong ya Matshwenyeho a Maholo ha dithohako le dikotlo di le wela enngwe kamora enngwe le ha hole jwalo le ke ke la baka bakeng sa dibe tsa lona. Hobane letsatsing leo, haeba lebitso la hao le le Bukeng ya Bophelo ya Konyana, KE tla hlakola lebitso la hao. [Tshen.3:5]

 

Kahoo ho lona bohle ba ipotsang hore na ke hobaneng ha Elisheva a ka ipakela mathata ana, ke hobane KE sebedisa tshebeletso ena ho arola koro ho mofoka. Ha le utlwa sena, le tla tseba hore na le koro kapa mofoka. Na o mofoka feela o tla tjheswa ke bohale BA KA, mollo WA KA o timetsang? Leha KE mo sebedisa hona jwale ho hweletsa ho Monyaduwa, jwalo ka ha lentswe le tla hweletsa ho barwetsana ba bahlano ba bohlale, le se ke la sekisetsa, le itokiseng hobane monyadi wa lona o wa tla bakeng sa Monyaduwa WA HAE ka Mokete Wa Ditrompeta (Rosh Hashanah) le Sabatha (Shabbat). Monyaduwa wa YAHUSHUA kgumamang ka pele HA KA. Dulang le Halalela mme le dule le ikokobeditse. Rapelang hore le dule le tshwanelehile ho ba Monyaduwa wa Mora WA KA YAHUSHUA ya tshwantshetswang jwaleka barwetsana ba bahlano ba bohlale. E leng ho nkuwa pele ha batho hoo ho atisang ho bitswa Tlhwibilo.

 

Baeti, rapelang hore le be karolo ya ho nkuwa ha bobedi e le hore le be baeti Selallong sa Lenyalo la Konyana [Tshen. 19:9] baeti ba tshwantshetswang le barwetsana ba bahlano ba mawatla ba bolellwang hore Monyadi o tla tla hape kamora hore Monyaduwa wa YAHUSHUA a nkuwe. Kahoo dulang le fadimehile hobane ha le tsebe letsatsi kapa hora. [Matt 25:12] Nakong eo Mora WA KA YAHUSHUA a tlang ho tla nka barwetsana ba bahlano ba mawatla, ba tla be ba le bohlale.

 

Boprofeta Ba 80

 

Monyaduwa wa YAHUSHUA, Rapela Hore NNA, YAHUVEH Ke Romele Dira Tsa Hao Sehatelong Sa Veine Sa Kgalefo YA KA!

Ka La 18 Pherekgong, 2006

 

Botlalo ba MOYA O HALALELANG (RUACH ha KODESH) WA KA ha bo fumanwe ho moruti ofe kapa ofe ya behang seo a tsebang hore ke nnete kapa ya sothang mangolo le ditaelo TSA KA hore di dumellane le ho kgahlisa batho kapa Mebuso ya lefatshe lena. Le se ke la thetswa. ​​NNA, YAHUVEH, ha ke a fetola maikutlo A KA ka seo sebe se leng sona kapa moo baetsadibe ba sa bakeng ba hlolang ka ho sa feleng. Boitshwaro ba hao le tlhaloso ya sebe di ka fetoha empa "KE NNA" eo "KE LENG YENA" mme NNA, YAHUVEH, ha KE fetohe mme le Mora WA KA ha a fetohe. NNA, YAHUVEH, ke ngotse matlapa a mabedi a melao a bitswang ditaelo lejweng ka monwana WA KA o tukang ka di hatisa mme KE di file Moshe. Mawatla a nahanang hore ke rometse Mora WA KA YAHUSHUA ho tswa Lehodimong ho fetola melao ena, ho kenyeletswa le melao ya Letsatsi LA KA la Sabatha.

 

Boprofeta Ba 82

Pitso Ya Ho Qetela Ya Monyaduwa Wa YAHUSHUA MESIA!

Ka La 15 Hlakola, 2006

 

Bowatla, bowatla, bowatla, bowatla! KE halefile, KE halefile, KE halefile, KE halefile! Ke ba bakae ba lona ba lakatsang ho ba Monyaduwa WA KA, bao KE ba bitsitseng ho ba Monyaduwa WA KA, ba furalletseng Kgalalelo? Ke ba bakae ba lona ba etsang mabaka a sebe? Ke ba bakae ba lona ba tsebang Lentswe LA KA le re, 'hlomphang Letsatsi la Sabatha mme le le boloke le halalela' empa le ntse le tlatsa dikereke ka Sontaha.

 

Bowatla, bowatla, bowatla, Monyaduwa WA KA a ke ke a ba le karolo bowatleng bona. KE itse, "le Halalele jwalo ka ha KE Halalela." Monyaduwa WA KA o tla halalela kapa NNA nke ke ka ba le karolo le yena. O batla ho tseba hore na barwetsana ba bowatla ke bo mang? O batla ho tseba hore na ke hobaneng ha ba ne ba se na oli e lekaneng maboneng a bona? Ba ne ba se na Kgalalelo e lekaneng.

 

Ba ne ba tseba hore  KE a tla, empa ha ba ka ba itokisa. Ha ho a lekana feela ho rata NNA. Ha ho a lekana feela ho sebeletsa NNA. Ha ho a lekana ho ruta Mantswe A KA feela .

 

KE BATLA KGALALELO.

 

Oho, lefatshe lena le thetswa habonolo hakaakang. Haeba ba sa rute hore batho ba lokela ho furalla sebe, hore ba lokela ho baka, ba itihele ka difahleho tsa bona ka pele HA KA. Ebe ha se BA KA. Ho feta ho bua feela, "Oho Jesu, kena ka hare ho pelo YA KA." Ho bitswa ho furalla sebe. Ho latola satane, ho baka, mme ba dumelle NNA ho phela ka hare ho bona. Hlokomelang baboledi bana ba batlang feela ho thoba ditsebe tsa lona tse hlohlonang. Ke ka lebaka leo KE phahamisitseng ditshebeletso tse kang tsena, tse rutang nnete ka kgalalelo. Hlokomelang mang kapa mang ya reng Melao e Leshome e fetohile, re ka ya mme re ka rapela ebile ra bitsa letsatsi lefe kapa lefe Letsatsi la Sabatha.

 

Boprofeta Ba 83

NNA, YAHUVEH, Ke Re, “Itokise Bofelo Bo Haufi!”

Ka La 15 Hlakubele, 2006

 

Jwalo ka matsatsing a Moshe, ho tla ba jwalo hape, jwalo ka matsatsing a Lota, ho tla ba jwalo hape. Ho baetsadibe ba hanang ho baka ho fihlela jwale, kajeno ke letsatsi la pholoso, o bala sena ho tswa ho Tshebeletso ya monyetla wa ho qetela. Hosane e ka ba morao haholo. O emetse eng? Bodumedi bo ke ke ba o pholosa, feela kamano e Halalelang e lerato, e mamelang YAHUSHUA le NNA, YAHUVEH e tlang ho o pholosa. O ka kgutlela Lehodimong feela ka LEBITSO le Madi a YAHUSHUA  MESIA. Bohle ba memilweng Selallong sa Lenyalo la Konyana, KE na le temoso ena bakeng sa lona. Matshwenyehong a Maholo ya tlang eo a atiswang ho bitswa anti-kreste, eo e leng mora wa satane, mora wa timetso, o tla tla a sebedisa le ho etsa bohata ka lebitso le tsejwang lefatsheng ka bophara, ka mefuta yohle le maleme ohle lebitso leo Bakreste ba le tsebang le ho le rata lebitso la Jesu Kreste.

 

[HO BOHLOKWA HAHOLO! BALA SERAPA SENA SE LATELANG KA HLOKO]

 

Hlokomelang, dipontsho, dimakatso le mehlolo di ntse di etswa mme meya e ntse e pholoswa ka lebitso la Jesu Kreste, le se ke la tshoha. Leha ho le jwalo, e ne e so be nako ya bofelo mme le ne le ikarabella feela ka seo le se rutilweng. NNA, YAHUVEH, ke ile ka hlompha le ho tlotsa lebitso la "Jesu," le hoja Mora WA KA YAHUSHUA a ile a fuwa LEBITSO LA Seheberu ke mme WA HAE wa Moheberu. MME "KE NNA" Ntate WA HAE; LEBITSO LA HAE le lokela ho ba le LEBITSO LA KA 'YAH.' Lebitso la Jesu le hlakotse LEBITSO LA KA le Halalelang, LEBITSO le fetang Mabitso ohle. LEBITSO LA KA ke YAHUVEH mme LEBITSO LA YAHUSHUA le fetolela kgopotso ya kamehla ka maleme ohle YAH wa pholosa Na ha se moetlo wa lona ho reha Mora lebitso la ntate wa hae? Hobaneng o nahana hore ho fapane hore Ntate wa hao ya Lehodimong a etse se tshwanang? Ke kgopotso e sa feleng ho wena hore NNA, YAHUVEH, le Mora WA KA, YAHUSHUA re bang.

 

Ke satane le bahlanka ba hae ba tshabang LEBITSO LA YAH, empa KE tseba dipelo tsa Bana BA KA tse lerato. KE bile ke le tshwaretse ka ho furalla letsatsi LA KA la phomolo la Sabatha ya Nnete, ka ho tlola Molao wa bone (4) kgafetsa. Empa NNA nke ke ka hlola ke le tshwarela sena. Jwale le ikarabella bakeng sa seo le se tsebang. Le ikarabella bakeng sa ho lemosa ba bang. Ho na le tlotso e halalelang e phahameng ka LEBITSO la Seheberu la YAHUSHUA le ka LEBITSO LA KA, YAHUVEH. Jwale nako ya bofelo e haufi mme KE a le lemosa hore le rute ba bang seo le se tsebang jwale e le nnete. Ho na le tlotso e eketsehileng ka MABITSO A Halalelang A RONA A Halalelang. A sebedise, le se ke la etsa mabaka a mang. Nakong ya Matshwenyeho a Maholo le tlameha ho bitsa LEBITSO la Mora WA KA la Seheberu, YAHUSHUA MESIA. LEBITSO LA KA YAH le le Lebitsong LA HAE, LEBITSO le fetang MABITSO ohle.

 

Haeba le sa ithute sena hona jwale, Matshwenyehong a Maholo ha le rapella topollo, kapa phodiso, mme le sebedisa lebitso "Jesu," hopola hore mora wa satane o tla be a sebedisa lebitso lena e le Modimo. O ka lebella ho fodiswa, ho lopollwa kapa ho hlohonolofatswa jwang ka ho sebedisa lebitso le tshwanang le leo mora wa satane a tla le sebedisa? O tla be o bitsa mora wa satane mme o sa tsebe. Matshwenyehong a Maholo, mora wa satane o tla behella ka thoko letsatsi la hae hore a kgumamelwe mme e tla ba Sontaha. Ha borapedi ba Sontaha bo tlamehile  mme le laelwa lefatsheng ka bophara ho ya Kerekeng ya lehae e haufi le wena ya Sontaha, ela hloko, O SE KE WA YA.

 

Ke leraba la mora wa satane. Ho mang kapa mang ya yang Kerekeng ya Sontaha nakong ya Matshwenyeho a Maholo, ba tla kena monyako ba tshwere ke meya ya thetso, ho laola kelello, borapedi ba ditshwantsho le borabele hara meya e meng e mengata e matla ya bademona. Ba lemose hona jwale. BA TLA BE BA NKILE LETSHWAO LA SEBATA mme ba kena kerekeng ya ditshila mme ba kgethile ho rapela sebata le ho amohela letshwao la sona la nama hammoho le la moya. Lemosa batho hona jwale, pele ho e ba morao haholo.

 

Sena ha se bolele hore Dikereke tsohle tsa Sontaha di mpe hona jwale, empa le haufi haholo jwale, bofelo bo haufi, le tlameha ho lemosa batho moo baruti ba hlolehang ho etsa jwalo. O tlameha ho ruta nnete ya mabitso a Halalelang a Seheberu A KA, YAHUVEH le Mora WA KA YAHUSHUA e leng MESIA a le mong feela, Madi a hae feela a tsholotsweng bakeng sa batho bakeng sa tshwarelo ya dibe. NNA nke ke ka amohela sehlabelo se seng sa madi, mme ha ho na mokena-dipakeng e mong ya ka o buellang. Seo se kenyelletsa le bao ba bitswang bahalaledi ba shweleng. Eseng le mme wa YAHUSHUA, Maria (Miryam), hobane le yena o ne a hloka YAHUSHUA e le MESIA wa hae.

 

Lena ke lona feela lebaka leo Monyaduwa wa YAHUSHUA a lokelang ho ya Kerekeng ya Sontaha, ho ruta dinku le dikonyana nnete moo baruti ba hanneng, leha e le motho a le mong ka nako. Ditaba tse monate ke tsena: jwalo ka bana BA KA ba Ratehang, bao mabitso a bona a ngotsweng Bukeng ya Bophelo ya Konyana mme a kgethilwe esale pele, ho jwalo le buka ya satane ya ba rohakilweng.

 

 

YAHUSHUA A KE KE A LAHLEHELWA KE MOYA O LE MONG BAO MABITSO A BONA A NGOTSWENG BUKENG YA BOPHELO YA KONYANA PELE HO THEHWA LEFATSHE LENA. O ke ke wa kgetha ka phoso ho amohela Letshwao la Sebata; o tla tseba hore o se ke wa etsa jwalo mme o ka mpa wa shwa pele o etsa jwalo.

 

Phodiso ya nnete feela, dipontsho, dimakatso, mehlolo le tsoho di tswa Lehodimong, phodiso kapa topollo efe kapa efe e nngwe ke thetso. Mme nakong ya Matshwenyeho a Maholo ho tla ba le thetso e bonahalang e le nnete empa e le mashano a tswang teroneng ya satane. Ithute hona jwale mme o lemose ba bang hona jwale. Matshwenyehong a Maholo FEELA ka lebitso la YAHUSHUA, ESENG lebitso la 'Jesu,' topollo ya nnete, phodiso, le matla a tsoho a tla hlaha. Batho ba ratang le ho sebeletsa Jesu hona jwale ba tla ipotsa hore na hobaneng dithapelo tsa bona di sa arajwe tumelo ya bona e tla utlwa bohloko mme ba tla shwela tumelo ya bona, ba sa utlwisise hore na ke hobaneng ha topollo e sa ka ya tla ka lebitso leo la [Jesu].

 

Ba lemose hona jwale e le hore ba tle ba tlwaele ho sebedisa LEBITSO LA Seheberu la YAHUSHUA, le YAHUVEH le RUACH ha KODESH (MOYA O HALALELANG). Satane ha a batle ho etsa boikaketsi ka LEBITSO LA YAHUSHUA ka LEBITSO LA KA 'YAH' ho lona.

 

Ho na le dimilione tsa batho ba balang sena ba etla ba Baeti Selallong sa Lenyalo la Konyana mme le tla hlohonolofatswa. ​​Leha ho le jwalo, le tla bona Matshwenyeho a Maholo kaofela kapa karolo ya wona mme mahlo a lona a tla qobellwa ho bona tshabo. Hopolang sena, kgalefo YA KA ha ya behellwa lona, e behetswe dira TSA KA.

 

Boprofeta Ba 84

NNA, YAHUVEH Ke Re, Hlokomelang Thetso!

Ka La 31 Hlakubele, 2006

 

Le se ke la dumela ka tsela eo Pauluse, Shaule, a ileng a utlwisiswa hampe ka yona mme a fetolelwa hampe kgafetsa. E ne e le Mojuda, ha a ka a furalla seo. Oho mashano a bolelwang. Ehlile pholoho ya lona ha e itshetlehe ka lebollo la nama, hobane jwale ke lebollo la pelo. Ena ke ngangisano ya bowatla, jwalo ka ha selekane sa kgale sa madi ha se sa eme hobane ho na le Selekane se setjha sa Madi mme sena ha se bolele hore Sabatha (Shabbat) YA KA ha e sa eme.

 

Hobane feela Bakgerike ba file Mora WA KA lebitso, hobane feela Bibele ya Morena (King) James e pheta lebitso la Jesu Kreste kgafetsa, ha ho bolele hore LEBITSO LA HAE le fetotswe. Le tla dula e le LEBITSO LA Seheberu, LEBITSO le nang le LEBITSO LA KA, YAHUVEH. NNA, YAHUVEH, LEBITSO le hopotsang lefatshe lena ka theko eo Mora WA KA YAHUSHUA a ileng a lokela ho e lefa. Hape, KE tla e bua hape le hape le hape le hape le hape, o ka bitsa moprofeta enwa monyefodi, o ka mo etselletsa, o ka re o ya diheleng, empa KE o jwetsa sena NNA, Morena wa Popo, NNA ya Halalelang wa Bosafeleng ke o jwetsa sena, LEBITSO LA HAE le kahodimo ho MABITSO ohle, o rehelletswe ka NNA, YAHUVEH. NNA, YAHUVEH, le bolela 'YAH WA PHOLOSA.'

 

Ha ho letho le fetohileng, hobane KE hlomphile lebitso la 'Jesu Kreste.' Hobane KE tlotsitse lebitso la 'Jesu Kreste.' Hobane KE pholositse ka lebitso la 'Jesu Kreste.' Hobane KE entse dipontsho, dimakatso le mehlolo ka lebitso la 'Jesu Kreste.' Hobane KE ntse ke e etsa ka lebitso la 'Jesu Kreste.' Ha ho bolele hore ha wa lokela ho tseba LEBITSO LA Nnete LA HAE la Seheberu. O tla etsa jwalo mme o tla ikarabella bakeng sa seo o se tsebang. Hobane KE dumelletse nako ena yohle hore le bokane mme le bitse Sontaha letsatsi LA KA la Sabatha, KE entse ntho e tshwanang. KE ile ka e dumella. E ne e se thato YA KA, KE ile ka e dumella. Empa Mahlomoleng a Maholo, satane o tla o bontsha kamoo a tla etsa leshano kateng.

 

Hobane hape KE re, esita le baevangedi ba ruileng haholo ba tsebang nnete ena ba rekisitse nnete ena, ba sekisitse nnete ena, ba tla o isa matsohong a mohanyetsi wa mesia, mora wa satane. Mme ba tla re, "Ke Jesu Kreste, ke Mesia wa hao, o tlile. O tlile mme jwale kgotso e hohle lefatsheng lena, le se ke la tshwenyeha ka Dihele." Hobaneng le sa bone? Ha ba batle ho etsa boikaketsi ka NNA. LEBITSO LA KA ke YAH. Morena James o tla lefa. Morena James o lefile ha a tla hlakola LEBITSO le Halaletseng la Mora WA KA. BALA! BALA! BALA! Ithute mme o iponahatse o amohelehile. E ne e se kamehla Morena ( King) James, bala dibuka tse halalelang. Bala moo diphetolelo tsa Seheberu di leng teng. Bala moo esita le Searameiki se tseba LEBITSO LA HAE. HOBANENG? HOBANENG? HOBANENG ha le sa dumele?

 

Boprofeta Ba 86

Tloha Ho NNA, Wena Monyaduwa Ya Sa Mameleng!

Ka La 12 Motsheanong, 2006

 

Hobane ho tla tla dinaledi tsa ho thunya mme di tla wa ho tswa lehodimong, mme lefatsheng lohle ba tla baleha mme ba ipate! Lefatshe le ke ke la thothomela sebakeng se le seng feela mme dithaba tse tjhesang di tla foka jwalo ka ketane e tla foka. Mme ke bao feela ba dutseng ho NNA ka nnete, Lefikeng le Phelang ba tla dula ba sireleditswe. Difefo tse kang tseo o so kang wa di bona, ena ke qalo feela e tla tla. Empa bao ba ileng ba dula ho NNA le ho Ntate WA KA Abba YAHUVEH le tla dula le sireleditswe ha le sireleditswe ka LEBITSO LA KA. Le batla ho kwala ditsebe tsa lona ha KE re, "Hlomphang Letsatsi la Sabatha mme ha KE bolele le entsweng ke motho." Le batla ho kwala ditsebe tsa lona ha KE re, "Hlomphang mekete e Halalelang mme ha KE bolele e entsweng ke motho, matsatsi a phomolo a bohetene ho le jwalo le ka mpa la a hlompha, ho ena le Matsatsi a Halalelang a Ntate WA KA Abba YAHUVEH." RE a tshwana maobane, kajeno le ka ho sa feleng Ntate WA KA le NNA. Hobane feela o fetola mohopolo wa hao ka sebe, ha ho bolele hore le RONA re entse jwalo.

 

Boprofeta Ba 90

LEBITSO La MOYA O HALALELANG Ke Mang?

Ka La Hlakola 27, 2007

 

KE bua ditshenolo tsena ho tswa ho wena Elisheva e le hore o tla bolella batho ba Halalelang. Haeba ba tla amohela seo se buuwang boprofeteng bona ba tla boela ba bone dipontsho, dimakatso le mehlolo jwalo ka dinakong tsa kgale ha YAHUSHUA a ne a tsamaya lefatsheng. Haeba ba tla amohela dinnete tsa Sabatha (Shabbat) ya Nnete mme ha ke bolele Sontaha! Ithute bohlokwa ba ho hlompha YAHUSHUA ka Mekete e Halalelang. Qoba Matsatsi a Phomolo a bohetene a lekang ho nka sebaka sa Matsatsi a Halalelang a nnete a Lehodimo, sebedisa MABITSO A Halalelang a Seheberu, phela ka Kgalalelo mme o se ke wa inehela kapa wa hlajwa ke dihlong ho bua seo o tsebang hore ke nnete. O tla bona tlotso e kgolo ho feta eo o kileng wa e bona dinakong tsena tsa bofelo.

 

Lentswe ho bao ba sireletsang Sabatha (Shabbat) ya Nnete mme ba pepesa Sabatha e entsweng ke motho e bitswang Sontaha. Ha Dikereke tse hlophisitsweng di o soma mme di qotsa mangolo jwalo ka ha ho Esaia 1:13-14 mme ba sotha lengolo lena ho le tlosa moelelong ba re, "Ha ho hlokahale ho boloka Sabatha ya Labohlano ho tloha ha letsatsi le dikela ho isa ho Moqebelo ha letsatsi le dikela." Lengolo lena ke temoso ho ba etsang sebe mme ba le kopanya le Sabatha (Shabbat), Mekete e Halalelang le mokete wa kgwedi e ntjha. Na ha le bone kamoo sena se halefisang YAHUVEH kateng? KE le bolella sena; YAHUVEH o lemosa hore YENA a ke ke a mamella ho se loke mme le kopano kapa meetlo ya ho boloka Sabatha (Shabbat), Mekete e Halalelang, dikgwedi tse ntjha, le mekete ha e sa etswe ka Kgalalelo ya nnete ka matsoho a Halalelang a phahamisitsweng. Ntle le Madi a tsholotsweng a YAHUSHUA MESIA tsohle di etsetswa lefeela.

 

Ke ba bakae ba balang sena ba yang kerekeng ka Sontaha mme o ipitsa Mokreste, Moprostanta, kapa Mokhatholike. O ya kerekeng, kapa mmisa, o rapele, o bine, o ipolele dibe tsa hao ho moprista, kapa moruti o etse boikaketsi ba borapedi, o ntshe karolo ya leshome hore bohle ba e bone mme hang ka mora moo o ya dibakeng tsa boithabiso mme o ilo tahwa kapa o kgutlele mekgweng ya hao ya bophelo ya sebe ho sa tsotelehe hore na ke letsatsi lefe la beke.

 

Boprofeta Ba 92

Itumeleng Hobane NNA, YAHUSHUA MESIA, KE MODISA YA MOLEMO a le Mong mme KE Leleka Diphiri!

Ka La 27 Mphalane, 2007

 

Bohle ba dumelang mashano ana ba tlameha ho baka ka ho dumela hore NNA, Modisa ya Molemo ke tla tshwara dinku le dikonyana TSA KA tjena. Bohle ba dumelang sena ba tlameha ho baka ka ho se kope temoho hore na ke nnete kapa leshano. Buka ya Choo Thomas e tletse dithuto tsa bohata. Ithute mme o iponahatse o amohelehile mme o tjhese buka ya hae, o tsebise satane hore o ke ke wa hlola o amohela mashano a hae.

 

Dinakong tsena tsa Bofelo, ke hobaneng ha KE sa bolelle mang kapa mang ya kileng a ya Lehodimong LEBITSO LA KA la nnete la Seheberu? Ke hobaneng ha NNA nka o kgothalletsa ho ya Kerekeng ya Sontaha, ho tsebahala hore na Dikereke tsa Sontaha di tla sebediswa eng Matshwenyehong a Maholo? Ke hobaneng ha a sa kgutle Lehodimong ka temoso ho Baruti ho fetola letsatsi la bona la Borapedi ho ya ho Sabatha (Shabbat) ya Nnete? Ke hokae moo KE ileng ka bolela hore ho na le pelekatori ka ntle ho diheke tsa lehodimo. Mantsweng a Choo Thomas a reng 'ho na le diphula tse pedi ka ntle ho diheke tsa Mmuso,' hona ke BOSAWANA!

 

Melao e Leshome e ntse e sebetsa le kajeno, ha ho letho le fetohileng. NNA, YAHUSHUA MESIA ha kea tla ho hlakola melao eo NTATE (ABBA) YAHUVEH a e ngotseng YENA ka monwana wa hae letlapeng la lejwe. Melao ena e eme ka ho sa feleng. Molao wa bone (4) ke pontsho pakeng tsa YAH le ba rapelang YAH ka nnete. Ha Dilemo tse sekete tse Kgolo di etla Molao wa bone (4) o tla be o ntse o eme mme batho ba tla tla mme ba rapele ka Sabatha ya Nnete. Bala, ithute mme o iponahatse o amohelehile. Matsatsi a Mekete a Halalelang o tla laelwa ho tla le ho a boloka ha KE busa le ho rena lefatsheng. Seo batho ba se qobang hona jwale Molao wa bone (4) le wona o a hlomphuwa Lehodimong. Seo se neng se bitswa sebe mehleng ya kgale, e ntse e le sebe kajeno mahlong a YAHUVEH.

 

Boprofeta Ba 118

Hlokomelang, Matshwenyeho A Maholo A Haufinyana!

Ka La 19 Hlakola, 2010

E Lokollotswe Ka La 27 Phupjane, 2010

 

KE a le lemosa, le se ke la itshetleha feela ka Phetolelo ya Bibele ya Morena (King) James hobane Morena (King) James o a tjha diheleng. O ile a ntsha dibuka le mantswe ao a neng a sa batle ho a kenyelletsa feela jwalokaha ka ha ba etsa kajeno mme ba re, 'Mangolo ana le Melao ya Bibele (Torah) ha e sa sebetsa. Sena ha se dumellane le mohopolo wa ka wa hore na Modimo ke mang. Ha aa lokela ho rohaka. YENA o rometse MORA WA HAE ya tswetsweng a Nnotshi ho lefa theko Kalvari ho hlokofatswa le ho shwa sebakeng sa ka, kahoo jwale nka etsa eng kapa eng eo ke e batlang, ha ho na taba ho MODIMO. Ha a tsotelle hore na ke etsa eng hobane YENA o rometse MORA WA HAE ya tswetsweng a Nnotshi ho lefa theko. Molao o ile wa kgokgothelwa sefapanong, kahoo nka etsa eng kapa eng eo ke e batlang. Molao wa Bone, nna ke re letsatsi lefe kapa lefe le tla sebetsa bakeng sa Sabatha, JESU KRESTE, YAHUSHUA MESIA, o itse ke MORENA wa Sabatha, ha ho sa na taba hobane ba le hlakotse letsatsi leo.'

 

Ba leshano! Ba leshano! Ba leshano! Na o nahana hore NNA nka senya nako YA KA ho nka monwana WA KA le ho ngola letlapeng la lejwe ebe ke e neha Moshe le ho sireletsa Baiseraele le ho ba laela hore NNA ba ntlotle ka Letsatsi la Sabatha ka ho phomola?! Ka ho phomola?! Eseng ka ho sebetsa empa ka ho phomola?! Ba leshano!

 

Lona ba ipolelang hore le Bakreste mme le hlahisang divideo tsena mabapi le hore na ke hobaneng ha Bakreste, 'ba sa tlameha ho tshwenyeha ka Sabatha, ha ho na taba hore na ke letsatsi lefe, ha ho na taba, Kereke ya Roma ya Khatholike e le fetotse.'

 

Ba leshano! Haeba le sa bake le tla iphumana le le Letsheng la Mollo! Ha KE tlo bapala dipapadi! Matshwenyeho a Maholo, Nako ya Mathata a Jakobo, a se a le haufi le ho le fihlela, nako ya sello, ho lla, ya mahlomola a maholo, ho feta kamoo lefatshe lena le kileng la a tseba!

CLICK HERE or the image below to go directly to her youtube channel
YAHSladyinred